مانگی ڕابردوو لە هەرێمی کوردستان (61) بوومەلەرزە ڕوویداوە کوردستانی

نوچە نێت

بەڕێوەبەڕایەتی و گشتی کەشناسی و بوومەلەرزەزانی  حکومەتی هەرێمی کوردستان ڕاگەیێندراوێکی سەبارەت بەو بوومەلەرزانەی کە لە مانگی (ئەیلول – 2025)دا تۆماراوە و دەڵێت، ژمارەی ئەو بوومەلەرزانەی کە لە ناو هەرێمی کوردستان ڕوویانداوە لە مانگی ڕابردوو بریتی بووە لە (61) بوومەلەرزە.

دوای نیوەڕۆی ئەمڕۆ (دووی تشرینی یەکەم2025/) بەگوێرەی ڕاگەیێندراوێکی کەشناسی و بوومەلەرزەزانی هەرێمی کوردستان، "کۆی گشتی ئەو بوومەلەرزانەی کە لەلایەن تۆڕی بوومەلەرزەی کوردستانەوە تۆمارکراون ژمارەیان (314) بوومەلەرزە بووە، بەڵام ژمارەی ئەو بوومەلەرزانەی کە لە ناو هەرێمی کوردستان ڕوویانداوە بریتی بووە لە (61) بوومەلەرزە."

لە ڕاگەیێندراوەکدا هاتووە، "بەرزترین گووڕی بوومەلەرزە کە تۆمارکرابێت لە هەرێمی کوردستان لە ناوچەی گەرمیان بووە بە گووڕی (3.3) لە ڕێکەوتی (1-9-2025) بە دووری (19کم) لە کەلار و هەروەها زۆرترین تۆماری بوومەلەرزەش لە سنووری پارێزگای سلێمانی و ناوچەی گەرمیان بووە، کە بریتی بووە لە (53) ڕووداوی بوومەلەرزە."

سەبارەت بە ژمارەی ئەو بوومەلەرزانەی لە هەولێر و دهۆک تۆمارکراوە دەڵێت، "پارێزگای هەولێر دێت کە (6) ڕووداوی بوومەلەرزە هەبووە و لە پارێزگای دهۆکیش (2) ڕووداوی بوومەلەرزە تۆمارکراوە."

68de78cb9d9ff_557020392_122139811844852601_5524479825010414872_n.jpg
68de78f1bbdf8_557124158_122139811760852601_8632709196384775939_n.jpg
68de7915edb33_556648278_122139811802852601_5345441569535935853_n.jpg

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین