جێگری یەكەمی سەرۆكی پارتی سەردانی ئاكرێ دەكات کوردستانی

نوچە نێت: هیوا جاسم

بەمەبەستی بانگەشەی هەڵبژاردن، جێگری یەكەمی سەرۆكی پارتی دیموكراتی كوردستان سەردانی ئاكرێ دەكات، هاوكات بەرپرسی لقی (9)ـی پارتی ڕاگەیاند، كە پاش نیوەڕۆی ئەمڕۆ لە یاریگای یانەی ئاکرێ هەڵمەتی بانگەشەی لیستی 275ی پارتی دیموکراتی کوردستان بەڕێوە دەچێت.

ڕۆژی یەكشەممە (2025/10/26) مەردان خدر، بەرپرسی لقی (9)ـی پارتی دیموکراتی کوردستان لە ئاکرێ - بەردەڕەش بە رووداوی راگەیاند، "ئەمڕۆ لە یاریگای یانەی ئاکرێ بانگەشەی لیستی (275)ـی پارتی دیموکراتی کوردستان بە ئامادەبوونی نێچیرڤان بارزانی، جێگری سەرۆکی پارتی دیموکراتی کوردستان بەڕێوەدەچێت کە تێیدا گوتارێک پێشكەش دەکات و هەروەها دەیان هەزار هه‌وادار و لایەنگری پارتی لە ناوچەکە ئامادە دەبن."

 بەپێی زانیارییەكان کەرنەڤاڵی بانگەشەكە کاژێر (2:00)ـی دوای نیوەڕۆ لە یاریگای ئاکرێ بەرێوەدەچێت و زیاتر لە (25) هەزار کەس لەم کەرنەڤاڵە جەماوەرییەدا بەشداربن. 

هەر لە کەرنەڤاڵەکەدا ئاهەنگێکی هونەریی بە بەشداریی هونەرمەندان حەسەن شەریف، محەممەد تەها ئاکرەیی و چەندین هونەرمەندی دیکە بەڕێوەدەچێت.

ڕۆژی (23)ـی ئەم مانگە نێچیرڤان بارزانی جێگری یەكەمی پارتی لە سنووری بادینان هەڵمەتی بانگەشەی هەڵبژاردن و سەرخستنی لیستی (275)ـی پارتی دیموكراتی كوردستان لە شاری دهۆكەوە دەستپێكرد.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین