سه‌رۆك نێچیرڤان بارزانى پیرۆزبایی له‌ کونسوڵی گشتیی نوێی هه‌نگاریا دەكات کوردستانی

نوچەنێت

ڕۆژی یەكشەممە (16/11/2025) سەرۆك نێچیرڤان بارزانى، سه‌رۆكى هه‌رێمى كوردستان، له‌ دیدارێكدا پیرۆزباییى ده‌ستبه‌كاربوونى له‌ به‌ڕێز تیڤادار گه‌ره‌گى تاكاچ، کونسوڵی گشتیی نوێی هه‌نگاریا له‌ هه‌رێمی کوردستان كرد.

لەو كۆبوونەوەیەدا سه‌رۆكى هه‌رێمى كوردستان هه‌روه‌ها "هیواى سه‌ركه‌وتنى بۆ کونسوڵی گشتیی نوێى هه‌نگاریا خواست و هه‌موو پشتگیرییه‌كى لایه‌نه‌ په‌یوه‌ندیداره‌کانی هه‌رێمی کوردستانی بۆ سه‌رخستنى ئه‌ركه‌كه‌ى، نیشان دا."

لە ڕاگەیێندراوی سەرۆكایەتیی هەرێمی كوردستان هاتووە، هه‌ردوولا باسیان له‌ "چۆنیه‌تیى بره‌ودانى زیاتر به‌ په‌یوه‌ندییه‌كانى هه‌نگاریا له‌گه‌ڵ هه‌رێمى كوردستاندا كرد. له‌مباره‌یه‌وه‌ تیشكیان خسته‌ سه‌ر ئه‌و كه‌رتانه‌ى ده‌رفه‌ت هه‌یه‌ و ده‌كرێ تیایاندا هاریكاریى هاوبه‌شى نێوانیان فراوانتر بكه‌ن."

دەشڵێت، له‌ به‌شێكى دیكه‌ى دیداره‌كه‌دا، تیشكیان خسته‌ سه‌ر "سه‌ركه‌وتنى هه‌ڵبژاردنى ئه‌نجومه‌نى نوێنه‌رانى عێراق و ئه‌نجامه‌كانى."

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین