سەرۆك نێچيرڤان بارزانى و سەرۆك ماکرۆن دۆخی ناوچه‌که‌ تاوتوێ ده‌که‌ن کوردستانی

نوچەنێت

سەرۆکی هەرێمی کوردستان و سەرۆکی فەرەنسا پەیوەندییەکی تەلەفۆنییان ئەنجامدا، هەردوولا، "نیگەرانیی خۆیان بەرامبەر بە پەرەسەندنی شەڕ دەربڕی و جەختیان لە گرنگیی پاراستنی ئارامی و سەقامگیری کردەوە".

ئێوارەی ئەمڕۆ سێشەممە (2026/3/3) سەرۆک نێچیرڤان بارزانی، سەرۆکی هەرێمی کوردستان، پەیوەندییەکی تەلەفۆنیی لە ئیمانوێل ماکرۆن، سەرۆکی فەرەنساوە پێگەیشت.

بەگوێرەی ڕاگەیێنداوەکەی سەرۆکایەتیی هەرێمی کوردستان سەرۆکی هەرێم و سەرۆکی فەرەنسا لە پەیوەندییەکەدا، "دوایین پەرەسەندنەکانی بارودۆخی ناوچەکە، تاوتوێ کران. هەردوولا نیگەرانیی خۆیان بەرامبەر بە پەرەسەندنی شەڕ دەربڕی و جەختیان لە گرنگیی پاراستنی ئارامی و سەقامگیری کردەوە."

لە بەشێکی راگەیێندراوەکدا هاتووە هەر لەو پەیوەندییەدا هەردوولا، "پێویستیی چڕکردنەوەی هەوڵە نێودەوڵەتییەکان بۆ هێورکردنەوەی دۆخەکە و چارەسەرکردنی کێشەکان بە ڕێگەی ئاشتییانە و دیپلۆماسی دووپات کرایەوە ".

هاوکات ئاماژە بەوەش کراوە، چه‌ند پرسێکی دیکه‌ی جێی بایه‌خی هه‌ردوولا، ته‌وه‌رێکی دیکه‌ی په‌یوه‌ندییه‌که‌ بوو.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین