هاكان فیدان: بەتوندی سەركۆنەی هێرشە درۆنییەكەی سەر ماڵی سەرۆكی هەرێمی كوردستان دەكەین کوردستانی

نوچە نێت

وەزیری دەرەوەی تورکیا پەیوەندییەکی تەلەفۆنی لەگەڵ سەرۆکی هەرێمی کوردستان ئەنجامدا، ڕایگەیاند، "سەرکۆنەی هێرشکردنە سەر ماڵی سەرۆکی هەرێمی کوردستان دەکات".

ئێواره‌ى ئەمڕۆ شەممە (2026/3/28) سەرۆکایەتیی هەرێمی کوردستان بڵاویکردەوە، سەرۆک نێچیرڤان بارزانی، سەرۆکی هەرێمی کوردستان پەیوەندییەکی تەلەفۆنیی لە هاکان فیدان، وەزیری دەرەوەی تورکیاوە پێگەیشت.

بە گوێرەی ڕاگەیێندراوی سەرۆکایەتیی هەرێمی کوردستان لە پەیوەندییەکەدا، "وەزیری دەرەوەی تورکیا بە توندی سەرکۆنەی ئەو هێرشە درۆنییەی کرد کە ئەمڕۆ کرایە سەر ماڵی سەرۆک نێچیرڤان بارزانی لە دهۆک، هەروەها پشتگیریی وڵاتەکەی بۆ پاراستنی ئاسایش و سەقامگیریی هەرێمی کوردستان و عێراق دووپات کردەوە".

لە بەرامبەردا، سەرۆک نێچیرڤان بارزانی، سەرۆکی هەرێمی کوردستان سوپاسی پەیوەندیی هاکان فیدان و هەڵوێستی تورکیای بۆ سەرکۆنەکردنی هێرشەکە کرد.

کۆتایی ڕاگەیێندراوەکە ئاماژە بۆ ئەوە دەکات، لە تەوەرێکی دیکەی پەیوەندییەکەدا، "دوایین پێشهاتەکانی بارودۆخی ناوچەکە تاوتوێ کران و هەردوولا جەختیان لە گرنگیی هاوکاری و هەماهەنگی بۆ پاراستنی ئارامی کردەوە".

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین