تەندروستی جیهانی: مەترسییەکانی ڤایرۆسی هانتا لە ئاستێکی کەم دایە تەندرووستی

نوچە نێت:

ڕێکخراوی تەندروستی جیهانی ڕایگەیاند، هەڵسەنگاندنی خۆی بۆ بڵاوبوونەوەی ڤایرۆسی "هانتا" وەک مەترسییەکی نزم دەهێڵێتەوە. هاوکات ئەم بڕیارەش لە کاتێکدایە کە ئەو کەشتییە گەشتیارییەی ڤایرۆسەکەی تێدا دەرکەوتووە، لە کەناراوەکانی وڵاتی هۆڵەندا نزیک دەبێتەوە.

ڕۆژی دووشەممە (18/5/2026)، ڕێکخراوی تەندروستیی جیهانی لە بەیاننامەیەکدا ئاماژەی بەوە کردووە، مەترسییەکانی سەر تەندروستی گشتی لەسەر بنەمای دوایین زانیارییە بەردەستەکان دووبارە هەڵسەنگاندنیان بۆ کراوەتەوە، تاوەکو ئێستاش مەترسییە جیهانییەکان بە نزمی ماونەتەوە.

هاوکات لە بەشێکی دیکەی بەیاننامەکەدا هاتووە، سەرەڕای ئەگەری سەرهەڵدانی حاڵەتی دیکەی تووشبوون لەنێوان سەرنشینان و تیمی کەشتییەکە پێش جێبەجێکردنی ڕێکارەکانی کەرەنتینە، بەڵام پێشبینی دەکرێت مەترسی گواستنەوەی ڤایرۆسەکە دوای دابەزینی سەرنشینەکان و گرتنەبەری ڕێوشوێنی چاودێری ورد، ڕوو لە کەمبوونەوە بکات.

هەروەها بەگوێرەی زانیاریی بەرپرسەکان، چاوەڕوان دەکرێت کەشتی (MY HONDIUS)، لە نێوان کاتژمێر (10:00)ـی بەیانی بۆ (12:00)ـی نیوەڕۆی ڕۆژی دووشەممە لە بەندەری ڕۆتەردامی هۆڵەندا لەنگەر بگرێت. ئەمەش بە مەبەستی دابەزاندنی (27) سەرنشین کە تا ئێستا لەسەر کەشتییەکە ماونەتەوە، کە پێکهاتوون لە (25) ئەندامی تیمی کەشتییەکە و (2) کارمەندی پزیشکی.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین