بە بەشداریی زیاتر لە (400) پزیشك لەسلێمانی کۆنفرانسی زانستیی نەخۆشییەکانی دڵ بەڕێوەدەچێت
نوچە نێت:
ئەمڕۆ چوارشەممە (16/9/2026) پێنجەمین کۆنفرانسی زانستیی نەخۆشییەکانی دڵ بە هاوبەشیی وەزارەتی تەندروستیی حکوومەتی هەرێمی کوردستان و وەزارەتی تەندروستیی عێراق لە زانکۆی سلێمانی دەستپێدەکات، بە گوێرەی زانیارییەکان کۆنفڕانسەکە لە شاری پزیشکی ئەنوەر شێخە و زانکۆی نێودەوڵەتیی قەیوان و بە هاوکاری کۆمەڵەی (ڕەحمە) بۆ تەندروستیی منداڵان بەڕێوەدەچێت، ئامانج لە سازدانیشی زیاتر پێشخستنی کەرتی تەندروستییە لە هەرێمی کوردستان.
تا ئێستا زیاتر لە (400) پزیشک و پسپۆڕی دیار لە پارێزگاکانی (سلێمانی، هەولێر، بەغدا، نەجەف و ناسڕییە) بەشداری خۆیان لە کۆنفڕانسەکە ڕاگەیاندووە و تێیدا نوێترین دۆزینەوە و پێشکەوتنەکانی بواری پشکنین، چارەسەر و خۆپاراستن لە نەخۆشییەکانی دڵ دەخەنەڕوو، بە پێی زانیارییەکان کۆنفرانسەکە کاتژمێر (6:00)ـی ئێوارە دەستپێدەکات و ماوەی دوو رۆژ بەردەوام دەبێت. ئەمە یەکەمجارە کۆنفرانسێکی لەم شێوەیە لە سلێمانی بەڕێوەدەچێت و وەزیرانی تەندروستیی هەردوو حکوومەتی هەرێمی کوردستان و عێراق تێیدا بەشدار دەبن.
سەبارەت بە بەڕێوەچوونی کۆنفڕانسی لەم شێوەیە، ئەندامێکی بەشدار دەڵێت، گرنگیی ئەم کۆنفرانسە لەوەدایە ژمارەیەکی زۆر لە پسپۆڕانی نەخۆشییەکانی دڵ توێژینەوە و داهێنانە زانستییەکانی خۆیان پێشکەش دەکەن، بۆیە بڕیارە سبەی کۆنفرانسەکە لە زانکۆی قەیوان لە سلێمانی درێژەی هەبێت. مەبەست لەم هەنگاوە دەرفەت ڕەخساندنە بۆ فێرخوازانی بەشە پزیشکییەکان تا لە نزیکەوە سوود لەو توێژینەوە نوێیانە وەربگرن کە تایبەتن بە نەخۆشییەکانی دڵ.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment