سەرۆک نێچیرڤان بارزانی لەگەڵ لۆرد مایکل ئاشکرۆفت کۆبووەوە کوردستانی

نوچە نێت:

سەرۆکی هەرێمی کوردستان پێشوازیی لە سەرۆکی فەخریی یەکێتی نێودەوڵەتی دیموکرات و کەسایەتی دیاری بەریتانیا کرد و خۆشحاڵیی خۆی بۆ سەردانی بۆ هەرێمی کوردستان و ڕۆڵ و پێگەی لە کایەی سیاسی و ئابووری بەرز نرخاند.

ڕۆژی سێشەممە (2026/09/29) سەرۆک نێچیرڤان بارزانی، سەرۆکی هەرێمی کوردستان، لە هەولێر، پێشوازیی لە لۆرد مایکل ئاشکرۆفت، سەرۆکی فەخریی یەکێتی نێودەوڵەتیی دیموکرات (IDU) و سیاسەتمەدار و کەسایەتی دیاری بەریتانیا کرد.

بەگوێرەی ڕاگەیێندراوی سەرۆکایەتیی هەرێمی کوردستان، لە کۆبوونەوەکەدا، سەرۆک نێچیرڤان بارزانی، "خۆشحاڵیی خۆی بە سەردانی بەڕێزیان بۆ هەرێمی کوردستان دەربڕی و ڕۆڵ و پێگەی دیاری لۆرد ئاشکرۆفتی لە کایەی سیاسی و ئابووری و پشتگیری لە پرەنسیپەکانی دیموکراسیدا بەزر نرخاند".

لە ڕاگەیێندراوەکەی سەرۆکایەتیی دا هاتووە، لە بەرامبەردا، لۆرد ئاشکرۆفت، "خۆشحاڵیی خۆی بە کۆبوونەوەکە و سەردانی هەرێمی کوردستان دەربڕی و ستایشی ئاستی سەقامگیری، ئاوەدانکاری و گەشەسەندنی هەرێمی کوردستانی کرد".

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین