پارتی داوای لێکۆڵینەوەی بەپەلە لە شەهیدكردنی دوو هاووڵاتییە كوردەكەی پردێ دەكات
نوچە نێت:
ئەمڕۆ سێشەممە (2026/9/29) هێزەکانی عێراق دوای ڕووبەڕووبوونەوەیان لەگەڵ چەند چەکدارێکی داعش لە پردێ و بەهۆیەوە دوو گەنجی کورد شەهید بوو، ئەمەش ناڕەزایی خانەوادەی کوژراوەکانی لێکەوتەوە، هاوکات هەر لەوبارەیەوە مەکتەبی ڕێکخستنی پارێزگای کەرکووک و گەرمیان - خانەقینی پارتی دیموکراتی کوردستان لە ڕاگەیێندراوێکی بڵاوکردەوە و بەنیگەرانییەوە ڕایگەیاندووە، "هێزە ئەمنییە فەرمییەکان پێویستە هەمیشە پارێزەری ڕاستەقینەی ئارامی و سەر و ماڵی هاووڵاتیان بن و بەوپەڕی بەرپرسیارییەوە مامەڵە بکەن و بە دیقەت و وریاییەوە ئەرکەکانیان ئەنجام بدەن."
هەر لەو ڕاگەیێندراوەدا داوایەک ئاراستەی سەرۆکوەزیرانی عێراق دەکات و دەڵێت، "بەپەلە لێژنەیەکی تایبەت و دادپەروەر بۆ لێکۆڵینەوە لە هۆکار و ڕاستییەکانی ئەم ڕووداوە ناخۆشەی شارۆچکەی پردێ پێکبهێنێت، تاوەکو ئەنجامەکان بۆ ڕای گشتی ئاشکرا بکرێن و ڕێکاری یاسایی توند بەرامبەر بە کەمترخەمان بگیرێتە بەر."
مەكتەبی رێكخستنی پارتی دەشڵێت، “ئێمە لە مەکتەبی ڕێکخستنی پارێزگای کەرکووک و گەرمیان - خانەقینی پارتی دیموکراتی کوردستان، وێڕای دەربڕینی دڵگرانی خۆمان، و سەروخۆشیمان بۆ خانەوادەی ئەم شەهیدانە، ڕایدەگەیەنین کە پاراستنی گیانی هاووڵاتیانی سڤیل، ئەرکێکی سەرەکی و لەپێشینەی هەموو لایەکە و پێویستە هەموولایەک بە گیانی بەرپرسیارێتییە بڕواننە پاراستنی تاک بە تاکی هاووڵاتیان و نابێ کەمتەرخەمی لەم ڕووەوە هەبێت."
هاوكات لە سەرەخۆشی لە بنەماڵەی هەردوو شەهید (محمد هێمن) و شەهید (مراد زانا) و لە ڕاگەیێندراوەكەدا دووپاتی دەكاتەوە كە "هێزە ئەمنییە فەرمییەکان پێویستە هەمیشە پارێزەری ڕاستەقینەی ئارامی و سەر و ماڵی هاووڵاتیان بن و بەوپەڕی بەرپرسیارییەوە مامەڵە بکەن و بە دیقەت و وریاییەوە ئەرکەکانیان ئەنجام بدەن، چونکە پاراستنی سەرو ماڵی هاووڵاتیان ئەرکی لەپێشینەیە. پێویستە لە هەر هێرش و ڕووبەڕووبوونەوەیەکی دژبە تیرۆر، هاووڵاتیانی سڤیل لە تیرۆریستان جیا بکرێنەوە و گیانیان پارێزراو بێت."
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment