سه‌رۆكى هه‌رێم له‌گه‌ڵ وه‌زیرى دادى عێراق باسى كێشه‌ى موڵكداریى ناوچه‌كانى 140 ده‌كات کوردستانی

 

نوچه‌نێت

ئه‌مڕۆ نێچیرڤان بارزانى سه‌رۆكى هه‌رێمى كوردستان پێشوازی له‌ سالار عه‌بدولستار وه‌زیرى دادى عێراق كرد. یه‌كێك له‌ بابه‌ته‌كانى دیداره‌كه‌ى نێوانیان كێشه‌ى موڵكدارى ناوچه‌كانى ماده‌ى 140 بوو.

ماڵپه‌ڕى سه‌رۆكایه‌تى هه‌رێمى كوردستان له‌ راگه‌یه‌ندراوێكدا باسى له‌ ناوه‌ڕۆكى دیداره‌كه‌ كردووه‌ و ئه‌مه‌ ده‌قه‌كه‌یه‌تى:

سەرلەبەیانیی ئەمڕۆ دووشەممە ١\٢\٢٠٢١ بەڕێز نێچیرڤان بارزانی، سەرۆکی هەرێمی کوردستان پێشوازی لە بەڕێز سالار عەبدولستار محەمەد وەزیری دادی عێراق کرد.

لە دیدارێکدا دۆخی دەسەڵاتی دادوەری لە عێراق و کاری وەزارەتی داد و دامەزراوەکانی ئەو بوارە تاوتوێ کرا و جەخت لە گرنگی و پێویستیی پاراستنی سەروەریی یاسا و سەربەخۆییی دەسەڵاتی دادوەری و دادگاکان کرایەوە.

پێویستیی هاوکاری و هەماهەنگیی نێوان لایەنە پەیوەندارەکانی هەردوو وەزارەتی داد لە عێراق و هەرێمی کوردستان و میکانیزمی ئەو هاوکارییە و چۆنیەتیی هەماهەنگیی نێوانیان، کێشە یاسایییەکان بەتایبەتی دەربارەی موڵکداری و خاوەنداریەتی لە ناوچەکانی مادەی ١٤٠ی دەستوور و سوودوەرگرتنی وەزارەتی دادی هەرێمی کوردستان لە خول و ڕاهێنانەکانی وەزارەتی دادی عێراق، چەند تەوەرێکی دیکەی دیدارەکە بوون.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین