بزووتنەوەى گۆڕان لەسەر پۆستى سەرۆک کۆمارى عێراق ڕاگەیێندراوێکى بڵاوکردەوە
نوچەنێت:
ئێوارەى ئەمڕۆ سێشەممە (25/کانوونى دووەم/2022)، بزووتنەوەى گۆڕان لە ڕاگەیێندراوێکدا داوا لە لایەنە سیاسییەکان دەکات، "لەسەر بنچینەی پاراستنی دەستکەوتە دەستوورییەکان بەیەکەوە کاربکەین، نەک سەنگەر لەیەک بگرین."
دەقى ڕاگەیێندراوى بزووتنەوەى گۆڕان:
دوابەدوای پرۆسەی ھەڵبژاردنی دەستەی سەرۆکایەتی پەرلەمانی عێراق، پرسی دیاریکردنی کەسایەتیەک بۆ سەرۆکایەتی کۆمار کە پشکی کوردە، بووەتە مژارێکی گەرم و ململانێی توندی حیزبی بەدوای خۆیدا ھێناوە.
ئێمە لە بزوتنەوەی گۆڕان جەخت لەسەر کارکردن بۆ جێبەجێکردنی ستراتیجێکی نیشتیمانی کوردستانی لە بەغدا دەکەین، کە لەبری ململانێ بۆ بەدەستھێنانی پۆست و ھێنانەدی خواستی حیزبی، کار بۆ چارەسەرکردنی کێشەکانی خاک و دەسەڵات و سامان و پێشمەرگە بۆ چوار ساڵی داھاتوو بکرێت.
بەرپرسیارێتی نەتەوەیی و نیشتیمانی کورد لەناو ھاوکێشەی نوێی عێراق و دۆخی سیاسیی و ئیداری و ئابووری و ئاسایشی ئەم وڵاتە وادەخوازێت، بە یەکگوتاری کوردستانی لەسەر بنچینەی پاراستنی دەستکەوتە دەستوورییەکان بەیەکەوە کاربکەین، نەک سەنگەر لەیەک بگرین، چونکە سەنگەرلەیەکگرتن و پەرتەوازەیی لە بەغدا کاریگەری راستەوخۆی لەسەر پرۆسەی سیاسی ھەرێم دەبێت و دەرگای مەترسی گەورەتر بە رووی ھەرێمی کوردستان و ناوچە کوردستانیە دابڕێندراوەکان دەکاتەوە.
ئەولەویەتی ئەم قۆناغەی خەباتی سیاسیی نەتەوەکەمان لە بەغدا، پێکەوەکارکردنە بۆ ئاسایکردنەوەی پەیوەندییەکانی حکومەتی هەرێم و حکومەتی ئیتحادی بە ئامانجی دەستەبەرکردنی شایستە داراییەکانی ھەرێم و بەپیرەوەچونی داخوازییەکانی هاووڵاتیان، بۆ رەخساندنی ھاوبەشییەکی سیاسیی راستەقینەی کورد لە دەزگای بڕیاردانی سیاسیی عێراق، بۆ جێبەجێکردنی ماددە دەستورییەکان و چارەسەرکردنی کێشەی خاک و مادەی 140، بۆ چارەسەرکردنی کێشەکانی پێشمەرگە و بودجە و دابینکردنی موچە بۆ فەرمانبەرانی ھەرێم، بۆ پێداگیری لەسەر دروستکردنی ئەنجومەنی ئتیحادی و کارکردن بە پرەنسیپەکانی سازان و هاوسەنگی بۆ حوکمڕانی.
ئەزمونی عێراقی نوێ دەریخستوە پۆست و کورسی و وەزارەتەکان، ھۆکاری بەھێزکردنی پێگە و سەنگی کورد نەبون، ململانێی کەسی و حیزبیش بە قازانجی جێبەجێکردنی مافە دەستورییەکان نەشکاونەوە، لەبەرئەوە بۆ بەغدا داوای رێککەوتن و کردنەوەی گرێکوێرەی کێشەکان لەناوخۆدا دەکەین.
بۆ ناوخۆیی ھەرێمیش رێزگرتن لە جیاوازییەکان و کێبڕکێی دیموکراتی بۆ خزمەتکردنی خەڵک و پەیرەوکرنی بەرنامەیەکی نیشتمانی بۆ چاکسازی سیاسیی و کارگێری و دارایی، بۆ بەرەنگاربونەوەی گەندەڵی و باشکردنی بژێوییەکانی ژیانی ھاوڵاتیان لەپێشینەیی ئەرکە سیاسیەکان دەزانین.
بزووتنەوەی گۆڕان
20 – 1- 2022
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment