وەزیرى پێشمەرگە: دۆخى هەرێم و عێراق پێویستى بە سوپایەکى سەربەخۆى یەکگرتووە کوردستانی

نوچەنێت:

وەزارەتى پێشمەرگە و هیزەکانى بەریتانیا لە هەرێمى کوردستان ڕایدەگەینن، "دروستكردنی هێزێكی تۆكمه‌ی سه‌ربازیانه‌ی سه‌رده‌می، له‌گه‌ڵیشدا هه‌نگاونان بۆ چاکسازی سه‌ربازی ئاسان نیه‌، به‌ڵام ئه‌وه‌شی له‌ماوه‌ی دوو ساڵی رابردوودا كراوه‌، جێی بایه‌خی زۆره‌و له‌مڕوه‌شه‌وه‌ به‌رده‌وام ده‌بین".

ئەمڕۆ سێشەممە (یەک/ئادار/2022)، شۆڕش ئیسماعیل وه‌زیری پێشمه‌رگه‌ی هه‌رێم لەگەڵ كۆڵۆنێل رۆب درایڤه‌ر، راوێژكاری باڵای هێزه‌كانی به‌ریتانیا له‌هه‌رێمی كوردستان کۆبوونەوە.

له‌و كۆبونه‌وه‌یه‌دا وه‌زیری پێشمه‌رگه‌ راگه‌یاند، "دۆخی ئێستای هه‌رێم و عێراق و ناوچه‌كه‌ به‌گشتی، ده‌خوازێت ئاماژه‌كان چڕتربكرێنه‌وه‌، بۆ یه‌ك هه‌ڵوێستی، له‌ به‌رامبه‌ر دروست كردنی سوپایه‌كی سه‌ربه‌خۆی یه‌كگرتوو، ئه‌وه‌ش سه‌رباری خواستی زۆری ئێمه‌، خواستی گه‌وره‌ی هاوپه‌یمانان و دۆسته‌كانمانه‌."

بەپێى ڕاگەیێندراوى وەزارەتى پێشمەرگە، راوێژكاری باڵای سه‌ربازی به‌ریتانیا له‌ هه‌رێم ڕایگەیاند "وڵاته‌كه‌ی له‌پاڵپشتی و پشتیوانی پێشمه‌رگه‌ به‌رده‌وام ده‌بێت و جه‌خت له‌سه‌ر ئه‌وه‌ ده‌كه‌نه‌وه‌، وێرای ئاڵنگاری و ته‌نگژه‌كانی ئێستا، هێشتا داعش مه‌ترسیه‌كی گه‌وره‌یه‌ و ده‌بێت هه‌مووان له‌ تێكشكاندن و راوه‌دوونانیان به‌رده‌وام بین."

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین