ئێران بەتوندی دژ بە رۆژنامەنووسان دەوەستێتەوە ئێران
بەهۆی زیادبوونی نارەزاییەكانی دژ بە گیان لە دەستدانی ژینا ئەمینی، دەسەڵاتدارانی ئێران فشارەكانیان بۆ سەر رۆژنامەنووس و كەسایەتییەكان چڕكردۆتەوە، ئەوەش بەزاندنی هێڵە سوورەكانە، نەخۆشییەكانی رابەرگی گشتی ئەو وڵاتەش ئەوەندەی تر ئێرانی تووشی تەنگەژە كردووە.

ئەمڕۆ هەینی (30/ئەیلوول/2022) ماڵپەڕی (حوڕە) بڵاویكردەوە دەسەڵاتدارانی ئێرانی فشارەكانیان بۆ سەر ئەو وەزشوان و ئەكتەر و مۆسیقی و هونەرمەند و یاریزانانی تۆپی پێی كە لە كاتی گوتنەوەی سروودی نیشتیمانی لە پێش دەسپێكردنی یارییەكەیان لەگەڵ سەنیگال لە ڤیێنا جلی رەشیان پۆشی بوو دەست پێكردووە.

موحسین مەنسووری، پارێزگاری تاران رایگەیاند، "رێكاری پێویست دژ بەو كەسایەتییانە دەگریننە بەر كە بەشدارییان لە ناڕزییەكان كردووە."

لەلایەكی ترەوە غولام حوسێن موحسینی، سەرۆكی دەسەڵاتی دادوەری ئێران رایگەیاند، "ئەو كەسانەی بە پاڵپشتی بەناوبانگ بوونە و لە چەند رۆژی رابردوو لەبری لە بەرەی گەل بن، چوونە پاڵ دوژمن، پێویستە هەموویان ئەوە بزانن كە دەبێت قەرەبووی ئەو زیانە مادییانەی بەر گەلی ئێرانی كەوتووە بكەنەوە."

لای خۆشییەوە ئیبراهیمی رەئیسی سەرۆكی ئێران، هۆشداری دا، بەوەی پاراستنی خەڵك هێڵی سووری، هیچ كەسێك سەرپرش نییە پێچەوانەی یاسا هەنگاو بنێت و ئاژاوە بنێتەوە. 

رۆژی پێنجشەممەی رابردوو رۆژنامەی ئەو رۆژنامەیە راگیرا كە وێنەیەكی تەرمی ژینا ئەمینی بڵاوكردەوە، هەروە نیلۆڤار حامیدی بەهۆی بابەتێك لە رۆژنامەی شەرق دەستگیركراوە.

لەلایەكی ترەوەی لیژنەی پارێزگاری لە رۆژنامەنووسان رایگەیاند، "هەریەك لە فەرشید گوربانبۆر و ئاریای جەعفەری و مویین بەلوچ دەستگیركراون، بەوەش ژمارەی رۆژنامەنووسانی دەستگیراو گەیشتە (28) رۆژنامەنووس." بەڵام تا ئێستا دەسەڵاتدارانی  بۆ رێگری لە خۆپیشاندانەكان سەركەوتوو نەبوونە.

سەرەڕای هەوڵەكانیانی دەسەڵاتدانی ئێران بۆ كۆنتڕۆڵكردنی خۆپیشاندانەكانی دژ بە گیان لەدەستدانی ژیانی ئەمینی، راپۆرتەكان باس نەخۆشكەوتنی ئایەتوڵا عەلی خامنەئییە، كە جارێكی تر تووشی نەخۆشیی  پڕۆستات بۆ بۆتەوە، ئەوەش ئاڵنگەرییەكەی گەورەی ناوخۆییە رووبەڕووی ئەو وڵاتە بۆتەوە، هەرچەندە پێشتر هەوڵدراوە جێگرەوەی دیاری بكرێت، بەڵام تا ئێستا هیچ ناوێك بە فەرمی دیاری نەكراوە.

بەگوێرەی دەستووری ئێران ئەو كەسەی دەبێتە رابەری گشتی، دەبێت كەسێكی دادپەروەری، پاك بێت، تەمەنی هەبێت، بوێر بێت، پێشەنگی بەڕێوەبردن بێت. 

لە ساڵی (2016) ئەنجوومەنی شارەزایان لیژنەیەكیان بۆ دیاریكردنی كاندیدی نموونەیی دیاریكردووە، بەوڵام تا ئێستا كەس ئاشكرا نەكراوە، بەڵام یەكێك لەو ناوانەی باس دەكرێت موجتەبای كوڕی خامنەئییە بۆ جێگرەوەی باوكی، بەتایبەت ئەو خوێندنی ئایینی تەواو كردووە، پەیوەندی لەگەڵ دەزگا ئەمەنییە تایبەتەكانی وڵاتەكەی بەهێزە، بوونی ئەو خزمەتە بۆ كۆنتڕۆڵكردنی هەر ناڕەزاییەك لە داهاتووە.

لەدواى گيان لەدەستدانى ژينا ئەمينى خۆپيشاندان زۆربەى شارەكانى ئێرانى گرتەوە، تا دەیان خۆپیشاندەر كوژراون و سەدان كەسیش دەستگیركراون.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین