رابەری كۆماری ئیسلامی ئێران دژ بەخۆپیشاندەران دەوەستێتەوە ئێران
عەلی خامنەئی، رێبەری باڵای كۆماری ئیسلامی ئێران لەسەر خۆپیشاندانەكانی دژ بە گیان لەدەستدانی ژینا ئەمینی رایگەیاند، "هەندێك خەڵك بۆتە هۆكاری نەمانی ئاسایش لە شەقامەكان، هەندێك لەو كردە تێكدەرانە پیلان بۆ داڕێژراوە."

ئەمڕۆ دووشەممە (سێی/تشرینی یەكەم/ 2022) ماڵپەری (جەزیرە) بڵاویكردەوە رابەری كۆماری ئیسلامی ئێران سەبارەت بە مردنی ژینا ئەمیتی رایگەیاند، "مردنی ژینا ئەمینی بە توندی دڵی هەژاندم، ئەوە رووداوێكی ناخۆش بوو."

لە بەشێكی تری قسەكانی گوتی، "هەندێك خەڵك لە شەقامەكانهۆكاری نەمانی ئاسایشن، ئەوەش لە لایەن ئەمەریكا و ئیسرائیل پیلانی بۆ داڕێژراوە،  هەندێك لە ئێرانییە ناپاكەكانی دەرەوەش هاوكاریان دەكەن."

خامنەئی پاڵپشتی خۆی بۆ هێزە ئەمنییەكان دەربڕی و رایگەیاند، "ئەوان رووبەڕووی كەسانێكی تێكدەر دەبنەوە، كە دەیانەوێت ئاسایشی وڵات تێك بدەن،  دەركەوت گەلی ئێران لەو رووداوانەی ئەم دواییە زۆر بەهێزبوون، لە داهاتووش رووبەڕووی هەر هەوڵێكی دوژمنان دەبنەوە كە وڵاتەكەیان بكات بە ئامانج."

لەدوای گیان لەدەستدانی ژینا ئەمینی خۆپیشاندان سەرجەم شارەكانی ئێرانی گرتەوە، تا ئێستا سەدان خۆپیشاندەر دەستگیركراون. 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین