بەرپرسێکی پێشووی ئێران: حکومەت گەیشتۆتە بنبەست
نوچەنێت: رادیۆفەردا
محەمەد سەرئەفەراز، بەرپرسی پێشووی رێکخراوی دەنگ و رەنگی ئێران لە چاوپێکەوتنێکی ڤیدیۆیی سەبارەت بە سیاسەتەکانی کۆماری ئیسلامی ڕایگەیاند، حکومەتی کۆماری ئیسلامی "گەیشتووەتە دۆخێکی نالەبار و ناتوانێت وەڵامی بچووکترین داواکارییەکانی خەڵک بداتەوە".
لەم وتووێژەدا سەرئەفەراز هەروەها جەختی لەوە کردەوە کە "ئەم شێوازەی حوکمڕانی قابیلی بەردەوامبوون نییە" و دەڵێت "ئەم شێوازە لە مامەڵە و لێدان و گرتن و کوشتن کار ناکات و درەنگ یان زوو دەگاتە بنبەست و دەبێت ئەم شێوازە وازی لێبهێنرێت و کۆتایی پێبێت".
لێدوانەکانی سەرئەفەراز لە وتووێژێکدا لەگەڵ شەهرزاد میرقولیخان پشکنەری تایبەتی لە سەردەمی سەرۆکایەتیدا لە رێکخراوی دەنگ و رەنگی ئێراندا. کە ڕۆژی یەکشەممە ١١-١٢-٢٠٢٢ کانوونی دووەم لە یوتیوب بڵاوکرایەوە، کاردانەوەیەتی بەرامبەر بە سەرکوتکردنی ناڕەزایەتییەکانی "ژن ژیان ئازادی" لەلایەن حکومەتەوە، کە تا ئێستا نزیکەی ٥٠٠ کوژراوی لێکەوتووەتەوە.
سەرئەفراز لە ساڵی ٢٠١٤ بە فەرمانی عەلی خامنەیی بوو بە بەرپرسی ڕێکخراوی دەنگ و رەنگی ئێران، بەڵام دوای ساڵ و نیوێک بە هۆی ئەوەی کە ناوی لێنابوو "کارشکێنی موجتەبا خامنەیی و دامەزراوە ئەمنییەکان" ناچار بوو دەست لەکار بکێشێتەوە. بەڵام لە ئێستادا یەکێکە لە دەستنیشانکراوەکانی ڕێبەری کۆماری ئیسلامی لە ئەنجومەنی باڵای بواری تەکنەلۆژیا.
بە گوتەی بەرپرسە لەم چاوپێکەوتنەدا، "لەو ساڵانەی کە دەبوو چاکسازیی پێکهاتەیی و بنەڕەتی بکرایە، هیچ ڕووینەدا و ئەو شێوازەی کە گیراوەتەبەر، مامەڵەکردن لەگەڵ مرۆڤەکان و خستنە ژێر فشاریان لە بوارە جیاوازەکاندا، لە ژیانی کۆمەڵایەتی و کەسییاندا، بەو بیرۆکەیەی کە تا زیاتر فشار بخەینە سەر، زیاتر تۆمەتباریان دەکەین، ئێمە باشتر سەرکەوتوو دەبین؛ دەریخستووە کە ئەم شێوازانە ناکارامەیە و دۆخەکە خراپتر دەکەن.
ئەم لێدوانانە یەکەم هەڵوێستی ڕەخنەگرانەی ئەو نییە بەرامبەر بە حکومەت و بە تایبەتی موجتەبا خامنەیی کوڕی ڕێبەری کۆماری ئیسلامی. بەڵام لەم وتووێژەدا، بە ڕەخنەگرتن لە دۆخی حوکمڕانی و موجتەبا خامنەیی، دەڵێت: لە دۆخێکدام کە دەزانم بە گوتنی ئەم قسانە، رەنگە هەر جۆرە رووداوێک رووبدات و هەر جۆرە مامەڵەیەکم لەگەڵدا بکرێت. من وەسیەتنامەم نووسیوە.
ناڕەزایەتییە سەرتاسەرییەکان لە ١٧-٩-٢٠٢٢ دوای ڕاگەیاندنی کوژرانی ژینا ئەمینی، لە ژێر دەستی پۆلیسی ئیرشاد دەستی پێکرد و بەردەوامە. بەڵام وەڵامی حکومەت بۆ ئەم ناڕەزایەتیانە تەنها سەرکوتکردن بووە لە رێگەی لێدان، کوشتن، گرتن، ئەشکەنجەدان و لەسێدارەدانی خۆپیشاندەران.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment