ناردنى (400) ملیارەکەى بەغدا بۆ هەرێم دوو ڕۆژى پێویستە کوردستان- عێراق

نوچەنێت:

فازڵ نەبى، بریکاری پێشووتری وەزارەتی دارایی عێراق لەسەر ناردنى (400) ملیار دینارەکەى بەغدا بۆ هەرێمى کوردستان دەڵێت، هەفتەى داهاتوو حکومەتى عێراق پارەکە دەنێرێت.

ئەمڕۆ پێنجشەممە (15/کانوونى یەکەم/2022) فازڵ نەبی، بریکاری پێشووتری وەزارەتی دارایی عێراق بە رووداوى ڕاگەیاند، رێکارە ئیدارییەکانى ناردنى (400) ملیار دینارەکەى بەغدا بۆ هەرێم تەنها دوو ڕۆژى پێویستە.

فازڵ نەبى روونکردنەوەى زیاتر دەدات و دەڵێت، دوای بڕیارەکەی ئەنجوومەنی وەزیرانی عێراق، بۆ ناردنى (400) ملیار دینار بۆ هەرێمی کوردستان، دەبێت ئەمیندارێتیی گشتیی ئەنجوومەنی وەزیران نووسراوی فەرمی بۆ وەزارەتی دارایی عێراق بکات، بە مەبەستی خەرجکردنی ئەو بڕە پارەیە، چونکە بڕیاری ئەنجوومەنی وەزیران بە تەنیا بەبێ نووسراوی ئەمیندارێتیی ئەنجوومەنی وەزیران جێبەجێ ناکرێت، ئەمەش یەک دوو رۆژی پێویستە.

ڕۆژى (13-12-2022) د. جوتیار عادل، وتەبێژى حکومەتى هەرێمى کوردستان ڕایگەیاند، "لە ئەنجامی دانوستانەکانی چەند رۆژی رابردووی نێوان شاندی حکومەتی هەرێمی کوردستان و حکومەتی فیدراڵیی بۆ گەیشتن بە ڕێککەوتن لە سەر کێشە هەڵپەسێردراوەکان نێوان هەولێر و بەغدا" بەغدا ئامادەیە (400) ملیار دینار بۆ هەرێم بنێرێت.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین