شیعه‌كان خۆیان له دۆسیه‌ى مانه‌وه‌ى ئه‌مریكییه‌كان بێده‌نگ كردووه
نوچه‌نێت
ئه‌مڕۆ پێنجشه‌ممه 15/ كانوونى یه‌كه‌م/2022 ئیحسان شه‌مه‌رى سه‌رۆكى سه‌نته‌رى بیركردنه‌وه‌ى سیاسى له عێراق له لێدوانێكى بۆ رۆژنامه‌ى عاله‌م جه‌دید باس له‌وه ده‌كات لایه‌نه سیاسییه‌كان و میلیشیاكانى شیعه پێشتر دۆسیه‌ى ده‌ركردنى هێزه‌كانى ئه‌مریكایان وه‌ك كارتێكى فشار له دژى واشنتن و حكومه‌تى عێراق به‌كارده‌هێنا و ئامانج تۆمه‌تباركردنى مسته‌فا كازمى سه‌رۆك وه‌زیرانى پێشووى عێراق بوو.
كه‌چى ئێستا به هیچ شێوه‌یه‌ك باس له‌و دۆسیه‌یه ناكه‌ن و بێده‌نگیان هه‌ڵبژاردووه، ئیحسان شه‌مه‌رى ده‌ڵێ، "بابه‌ته‌كه ئێستا جیاوازه، حكومه‌تى ئێستا سه‌ربه چوارچێوه‌ى هاوئاهه‌نگییه، ئه‌م چوارچێوه‌یه‌یش درك به‌وه ده‌كات كه مه‌سه‌له‌ى مانه‌وه‌ى هێزه‌كانى ئه‌مریكا ده‌بێت بخرێته ژێر پێوه‌ره نێوده‌وڵه‌تییه‌كان و پێوه‌ره‌كانى په‌یوه‌ندى، نه‌وه‌ك بكه‌وێته ژێر ره‌فتار و گوشارى سیاسى، بۆیه خۆى له‌و بابه‌ته به دوور ده‌گرێت".
له‌گه‌ڵ پێكهێنانى هاوپه‌یمانى نێوده‌وڵه‌تى دژ به داعش له ساڵى 2014 هێزێكى زۆرى ئه‌مریكا بۆ عێراق گه‌ڕایه‌وه و ئێستا نزیكه‌ى سێ هه‌زار كه‌س له عێراق ماون، به‌ڵام له‌كۆتایى ساڵى رابردوو مسته‌فا كازمى كه ئه‌و كات سه‌رۆك وه‌زیرانى عێراق بوو، كشانه‌وه‌ى هێزه‌كانى هاوپه‌یمانانى راگه‌یاند و گوتى ئه‌و هێزانه‌ى كه ده‌مێننه‌وه ئه‌ركى جه‌نگاوه‌رییان نامێنێ.
هێزه شیعه‌كان به‌رده‌وام داواى كشانه‌وه‌ى ئه‌و هێزانه‌یان كردووه و ته‌نانه‌ت به فشارى سیاسى ئه‌وان په‌رله‌مانى عێراق له سه‌ره‌تاى 2020 بڕیارى ده‌ركردنى هێزه‌كانى ئه‌مریكاى داوه.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment