هۆشدارى له‌ ده‌ركه‌وتنه‌وه‌ى داعش ده‌درێت عێراق ناوچەکە و جیهان

نوچه‌نێت

له‌ ماوه‌ى كه‌متر له‌ 24 كاتژمێر، دوو كرده‌ى تیرۆریستى له‌ كه‌ركووك و دیاله‌ ئه‌نجامدرا و چاودێرانى ئه‌منى هۆشدارى له‌ ده‌ركه‌وتنه‌وه‌ى داعش ده‌ده‌ن.

ئه‌مڕۆ سێشه‌ممه‌ 20/ كانوونى یه‌كه‌م/2022 ماڵپه‌ڕى سكاى نیوزى عه‌ره‌بى راپۆرتێكى له‌سه‌ر دوو كرده‌ تیرۆریستییه‌كه‌ى دوو رۆژى رابردوو بڵاوكردووه‌ته‌وه‌ و ئاماژه‌ بۆ ئه‌وه‌ ده‌كات كه‌ چاودێرانى ئه‌منى هۆشدارى له‌ ده‌ركه‌وتنه‌وه‌ى رێكخراوى تیرۆریستى داعش ده‌ده‌ن.

له‌ راپۆرته‌كه‌ى سكای نیوز هاتووه‌، "دوو هێرشى گه‌وره‌ به‌ دواى یه‌كه‌وه‌ له‌ كه‌ركووك و دیاله‌ له‌ رۆژى یه‌كشه‌ممه‌ و دووشه‌ممه‌، كه‌ ده‌یان كه‌سى به‌ كوژرا و بریندار كرده‌ قوربانى، ئاماژه‌یه‌كى ترسناكه‌ بۆ ئه‌و رێكخراوه‌ تیرۆریسستیه‌كه‌ ده‌یه‌وێ جارێكى تر پانتایى كرده‌وه‌كانى له‌ عێراق فراوان بكات" سكاى نیوز روونى ده‌كاته‌وه‌ داعش ده‌یه‌وێ خه‌ڵكى سڤیل و سه‌ربازى به‌ یه‌كه‌وه‌ به‌ ئامانجى بگرێت و ئه‌مه‌یش له‌ دوو هێرشه‌كه‌ ده‌ركه‌وتووه‌.

رۆژى یه‌كشه‌ممه‌ى رابردوو به‌ بۆمبى چێنراو كاروانێكى پۆلیسى له‌ كه‌ركووك كرایه‌ ئامانج كه‌ له‌ ئه‌نجامدا هه‌شت كه‌س بوونه‌ قوربانى و رێكخراوى تیرۆریستى داعش به‌رپرسیارێتى خۆى له‌ كرده‌وه‌ تیرۆریستییه‌كه‌ راگه‌یاند و دوێنیش له‌ قه‌زاى خاڵس هێرشێكى ترى تیرۆریستى ئه‌نجام درا كه‌ 11 كه‌سى به‌ كوژرا و بریندار كرده‌ قوربانى.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین