یوتێلسات پەخشی رادیۆ و تەفزیۆنەکانی ئێران رادەگرێت
نوچەنێت
تۆڕی مانگی دەستکردی "یۆتێلسات" ئەمڕۆ پێنجشەممە ٢٢ی دیسەمبەر رایگەیاند، کە هاوتەریب لەگەڵ جێبەجێکردنی گەمارۆکانی یەکێتی ئەوروپا بۆ سەر رێکخراوی دەنگ و رەنگی کۆماری ئیسلامی ئێران، پەخشی سەرجەم کەناڵەکانی رادیۆ و تەلەفزیۆنی سەر بە ئەم دامەزراوە حکومییەی راگرتووە.
هەروەها تۆڕی مانگی دەستکردی "یۆتێلسات" رایگەیاندووە، کە بەهۆی پچڕانی کەناڵە تەلەفزیۆنییەکانی ئێران و رووسیاوە، لە ساڵی داهاتوودا نزیکەی ١٠ بۆ ١٥ ملیۆن یۆرۆ لە داهاتی کۆمپانیاکە کەمدەکات.
بە پێی راپۆرتی یۆتێلسات، ئەم سزایانە لە رۆژی چوارشەممە ٢١ی دیسەمبەرەوە جێبەجێ کراون.
یەکێتی ئەوروپا ، لە ١١ی دیسەمبەرەوە رێکخراوی دەنگ و رەنگی ئێران و بەشێک لە بەڕێوەبەر و لێکۆڵەرە-رۆژنامەنووسەکانی، بەهۆی پێشێلکردنی مافی مرۆڤ و پەخشکردنی دانپێدانانی زۆرەملێی خۆپیشاندەران قەدەغە کراوە.
کۆمپانیای یوتێلسات دەڵێت، کە خزمەتگوزاری پەخش بۆ هیچ کام لە تۆڕە لاوەکییەکانی رێکخراوی دەنگ و رەنگی کۆماری ئیسلامی ئێران دابین ناکات.
ئەم کەناڵە سەتەلایتییە پێشتر رایگەیاندبوو، کە لە دوای قەدەغەکردنی "پرێس تیڤی"ی سەر بە رادیۆ و تەلەفزیۆنی کۆماری ئیسلامی ئێران، لەلایەن یەکێتی ئەوروپاوە، پەخشکردنی بەرنامەکانی ئەم میدیا ئینگلیزی زمانە، لە مانگە دەستکردەکانییەوە رادەگرێت.
یەکێتی ئەوروپا بە دیاریکراوی سزای بەسەر پرێس تیڤیی سەپاندووە و بەهۆی ڕۆڵی لە بڵاوکردنەوەی "دانپێدانانی زۆرەملێ"ی چالاکوانانی سیاسی و رۆژنامەنووسانی دەستبەسەرکراو.
دامودەزگاکانی مافی مرۆڤ چەندین جار رایانگەیاندووە، کە کۆماری ئیسلامی بە سانسۆرکردنی میدیای بیانی، سنووردارکردنی ئینتەرنێت، رێگری لە دەستڕاگەیشتن بە تۆڕە کۆمەڵایەتییەکان و بڵاوکردنەوەی ئازادانەی زانیاری و هەروەها کەڵک وەرگرتن لە پڕوپاگەندای میدیایی حکومەتی، هەوڵی بێدەنگکردنی دەنگی گەلەکەی دەدات.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment