ئەو "زستانە سەختە"ی کە ئێران ئاواتی بۆ ئەوروپا دەخواست ئێستا خۆی بەدەستییەوە دەناڵێنێ
نوچەنێت
سەرەڕای هۆشدارییە هەڕەشەئامێزەکانی کاربەدەستانی کۆماری ئیسلامی ئێران بۆ ڕۆژئاوا، سەبارەت بە "زستانی سەخت" و بەرزبوونەوەی نرخی گاز، زۆربەی وڵاتانی ئەورووپایی قەیرانەکەیان بەڕێوەبردووە، بەڵام کێشەی کەمی گاز حکومەتی ئێرانی گرتۆتەوە و زۆرێک لە فەرمانگە و شارۆچکە پیشەسازییەکان لە پارێزگا جیاوازەکاندا ناچار بوون کاتژمێرەکانیان کەم بکەنەوە.
کاربەدەستان و سیاسەتمەدارانی کۆماری ئیسلامی، لە دوای گرژییەکانی شەڕی ئۆکرانیا، چەندین جار لە بارەی "زستانی سەختی ئەوروپا" لێدوانیان هۆشدارییان داوەتە ئەوروپا؛ بەڵام لەگەڵ دەستپێکردنی وەرزی زستان و زیادبوونی بەکارهێنانی گاز، لە چەند رۆژی رابردوودا گازی پیشەسازی و ٨٤٠ دامەزراوە و دامودەزگای حکومی و گشتی لە پارێزگا جیاجیاکان پچڕا، بەرپرسان و بەرپرسانیش دەستیان کرد بە هەڕەشەکردن لە خەڵک بە پلانێک بۆ مامەڵە لەگەڵ "بەکاربەری زیادەڕۆ" بکەن.
کەمی غاز لە دەیان شاری ئێران، بە هۆی سەرمای کەشوهەوا تا کۆتایی هەفتە فەرمانگە و قوتابخانەکانی داخست. هاوکات جەواد ئەوجی، وەزیری نەوت، هەڕەشەی لە خەڵک کرد کە ئەگەر "لە دەرەوەی شێوازی بەکاربردن" بەکاری بهێنن، گازەکەیان دەبڕدرێت و "نابێت خەڵک دواتر گلەیی لەم بابەتە بکەن".
لە چەند رۆژی رابردوودا بەهۆی نەبوونی گاز چالاکی قوتابخانە و فەرمانگەکان لە چەند پارێزگای ئێران وەک ئەلبورز، خوراسان رەزەوی، گوڵستان، زەنجان، ئەردەبیل، لوڕستان، مەرکەزی و… هتد داخستووە.
سەرەڕای ئەمەش، جەواد ئەوجی، وەزیری نەوت، ئەمڕۆ چوارشەممە ١١ی مانگ رایگەیاند، ئێستا وڵاتەکە لە لوتکەی بەکارهێنانی گازدایە. هەرچەندە ناوبراو هیوای خواستووە کە زستان بەبێ بڕینی گازی ناوخۆ تێپەڕێت، بەڵام روودانی رووداوێکی لەو شێوەیەی بە دوور لە چاوەڕوانی نەزانی.
ئەوجی روونیکردەوە "ئەرکی ئێمەیە گازەکە بگەیەنینە خەڵک بەڵام وەک ئەوە نییە، کە ئێمە بەکاریدەهێنین و پارەکەی دەدەین." ئاماژەی بەوەشکردووە، "بەڵێ پارەکە وەردەگرین، بەڵام لە هەر شوێنێک لە دەرەوەی شێوازی بەکاربردن بێت، سەرەتا ئاگاداری دەکەینەوە و دواتر رایدەگرین، دواتر گلەیی مەکە".
سەرچاوە: ئێران ئینتەرناشناڵ
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment