ئێران ره‌خنه له بڕیارێكى ئه‌نجوومه‌نى مافه‌كانى مرۆڤ ده‌گرێت
نوچه‌نێت
بەپێی هەواڵی "بی بی سی"، سەعید خەتیب زادە وتەبێژی وەزارەتی دەرەوەی ئێران لە وەڵامی پرسیارێکدا سەبارەت بە بڕیارە نوێکەی ئەنجوومەنی مافەکانی مرۆڤی ڕێکخراوی نەتەوە یەکگرتووەکان وتی: "ئەو بڕیارە لە ڕێگای دەنگدانەوە پەسەند کراوە و بەرهەمی دەنگە پەرتەوازە و لاوازەکانە و کۆدەنگیی و ڕەوایی نێودەوڵەتی لە پشتەوە نییە".
خەتیب زادە وتی "هەندێ وڵاتی ئەوروپیی، هۆکاری سەرەکی پەسەندکردنی ئەو بڕیارە بوون و دەنگیان پێداوە".
وتەبێژی وەزارەتی دەرەوەی ئێران وتی: "ئەوەی لە ماوەی ١٠ ساڵی ڕابردوودا (لە مانگی ئاداری ٢٠١١وە تا ئێستا) لە بڕیارنامەکانی ئەنجوومەنی مافەکانی مرۆڤ ڕووی داوە بە کردەوە تۆمەتبارکردنی یەکلایەنەی ئێران لە لایەن ئەو وڵاتانەوە بووە، کە دەنگیان بەو بڕیارە داوە و پشتیوانییان لە ڕاپۆرتێری تایبەت کردووە کە لە دژی ئێران ڕاپۆرتی داوە".
ئەرکی ڕاپۆرتێری تایبەت بە دۆخی مافەکانی مرۆڤ لە ئێران بە شێوەی ساڵانە درێژ دەکرێتەوە.
ئەمساڵیش ئەندامانی ئەو ئەنجوومەنە لە ڕێگای پەسەندکردنی بڕیارنامەیەکەوە ئەو ئەرکەیان بۆ جاوید ڕەحمان دیاری کرد کە بۆ ساڵێکی تر لێکۆڵینەوە سەبارەت بە دۆخی مافەکانی مرۆڤ لە ئێراندا بکات.
وڵاتی ئایسلەند ڕەشنووسی ئەو بڕیارنامەیە بە ئەنجوومەنی مافەکانی مرۆڤی نەتەوە یەکگرتووەکان پێشنیاز کردبوو.
جاوید ڕەحمان کە لە بەریتانیا مامۆستای زانکۆی بڕۆنێلە و وانەی مافەکانی مرۆڤ دەڵێتەوە بۆ یەکەم جار زیاتر لە سێ ساڵ پێش ئێستا بە مەبەستی جێبەجێکردنی ئەو ئەرکە هەڵبژێردرا و لەو کاتەوە بە لەبەرچاوگرتنی دۆخی نالەباری مافەکانی مرۆڤ لە ئێراندا هەموو ساڵێک ئەرکەکەی درێژ کراوەتەوە.
سەرەڕای داواکاری بەردەوام، ئێران تا ئێستا ڕێگای پێ نەداوە بۆ ئەو وڵاتە سەفەر بکات و لە نزیکەوە لێکۆڵینەوە سەبارەت بە مافەکانی مرۆڤ بکات. هەڵسەنگاندنی بەرپرسانی ئێران ئەوەیە کە ئەو ڕاپۆراتانەی سەبارەت بە مافی مرۆڤ لە وڵاتەکەیاندا بڵاو دەکرێنەوە لەژێر کاریگەری "وڵاتانی تر و دوژمنانی ئێران"دا ئامادە دەکرێن.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment