سه‌رۆك نێچیرڤان بارزانى بۆ خێزانى قوربانیانى دهۆك: به‌دواداچوون ده‌كه‌ین تا ئه‌و كاته‌ى تاوانباران به سزا ده‌گه‌ن
نوچه‌نێت
ئه‌مڕۆ هه‌ینى 20/كانوونى دووه‌م/ 2023 سه‌رۆكایه‌تى هه‌رێمى كوردستان له راگه‌یێندراوێكدا ده‌ڵێ، سه‌رۆك نێچیرڤان بارزانى په‌یوه‌ندى ته‌له‌فۆنى له‌گه‌ڵ كه‌سوكارى قوربانیانى رووداوه‌كه‌ى نسێبین- مێردین ئه‌نجامدا و وێراى هاوخه‌مى دووپاتى كرده‌وه كه له‌گه‌ڵ لایه‌نه په‌یوه‌ندیداره‌كانى توركیا به‌رده‌وام ده‌بن له به‌دواداچوون.
له راگه‌یێندراوه‌كه هاتووه، "به‌ڕێز سه‌رۆكى هه‌رێمى كوردستان، هه‌روه‌ها خانه‌واده‌ى قوربانییانى دڵنیا كرده‌وه كه له‌گه‌ڵ لایه‌نه په‌یوه‌ندیداره‌كانى توركیا له نزیكه‌وه به‌دواداچوون ده‌كات و به‌رده‌وام ده‌بن تا ئه‌وكاته‌ى تاوانباران ده‌درێنه دادگا و به سزاى خۆیان ده‌گه‌ن"
دەقی راگەیێندراوەکەی سەرۆکایەتی هەرێمی کوردستان
ئێواره‌ى ئه‌مڕۆ هه‌ینى 2023/1/20 به‌ڕێز نێچیرڤان بارزانى، سه‌رۆكى هه‌رێمى كوردستان، له په‌یوه‌ندییه‌كى ته‌له‌فۆنیدا له‌گه‌ڵ هه‌دوو بنه‌ماڵه‌ى قوربانییانى دهۆك، پرسه و سه‌ره‌خۆشى لێكردن كه شه‌وى چوارشه‌ممه‌ى ڕابردوو له‌سه‌ر ڕێگه‌ى نسێبین ـ ى سه‌ر به پارێزگاى مێردین له توركیا، له ئه‌نجامێكى په‌لامارێكى چه‌كداریدا، گیانیان له ده‌ست دا.
سه‌رۆك نێچیرڤان بارزانى، وێڕاى ده‌ربڕینى هاوسۆزى و هاوخه‌میى قووڵى خۆى له‌گه‌ڵ خێزان و بنه‌ماڵه و كه‌سوكارى قوربانییان، هیواى خواست خواى مه‌زن گیانى قوربانییان به به‌زه‌یى و میهره‌بانیى خۆى شاد بكات و ئارامى و دڵنه‌وایى به هه‌مووان ببه‌خشێت.
به‌ڕێز سه‌رۆكى هه‌رێمى كوردستان، هه‌روه‌ها خانه‌واده‌ى قوربانییانى دڵنیا كرده‌وه كه له‌گه‌ڵ لایه‌نه په‌یوه‌ندیداره‌كانى توركیا له نزیكه‌وه به‌دواداچوون ده‌كات و به‌رده‌وام ده‌بن تا ئه‌وكاته‌ى تاوانباران ده‌درێنه دادگا و به سزاى خۆیان ده‌گه‌ن.
لاى خۆیانه‌وه خێزان و كه‌سوكارى هه‌ردوو بنه‌ماڵه‌كه‌ى قوربانییان، سوپاس و پێزانینیان بۆ په‌یوه‌ندى و هاوخه‌مى و هاوبه‌شیى سه‌رۆك نێچیرڤان بارزانى له پرسه‌كه‌یاندا ده‌ربڕى و داوایان كرد لایه‌نه په‌یوه‌نداره‌كانى هه‌رێمى كوردستان له هه‌وڵه‌كانیان به‌رده‌وام بن تاكو تاوانباران و بكوژانى ئه‌ندامانى خێزانه‌كانیان ده‌ده‌رێنه دادگا و به سزا ده‌ده‌رێن.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment