سەرۆك نێچیرڤان بارزانی و شێخ جەمال ئه‌لزاری کۆبوونەوە کوردستانی

نوچەنێت:

سەرۆک نێچیرڤان بارزانى، سەرۆکى هەرێمى کوردستان لە دیدارێکدا لەگەڵ شێخ جەمال ئەلزاری سەرۆكی پرۆژەی نیشتمانیی عێراق، جەخت لە چارەسەرکردنى کێشەکانى عێراق دەکەنەوە.

ئەمڕۆ یەکشەممە (22/کانوونى دووەم/2023)  سەرۆک نێچیرڤان بارزانی، سەرۆكی هەرێمی ‏كوردستان، پێشوازی لە شێخ جەمال ئەلزاری سەرۆكی پرۆژەی نیشتمانیی عێراق ‏كرد. ‏

سەرۆکایەیەتیى هەرێمى کوردستان لە ڕاگەیێندراوێکدا دەڵێت، "لە دیدارێكدا دۆخی ناوخۆی عێراق و پرۆسەی سیاسی و پەیوەندییەكانی عێراق ‏لەگەڵ وڵاتانی ناوچەكە، هەروەها دۆخی ناوچەكە بەگشتی، تاوتوێ كرا.‏"

هەروەها سەرۆک نێچیرڤان بارزانى و شێخ جەمال ئەلزاری "پشتگیریی خۆیان بۆ حكوومەتی فیدرالیی عێراق و هەوڵەكانی سه‌رۆك ‏وه‌زیران بەڕێز محەمەد شیاع ئه‌لسوودانی بۆ جێبەجێكردنی كارنامەی حكوومەت و ‏چارەسەركردنی كێشەكانی وڵات دووپات كردەوە، بەتایبەتی كێشەكانی هەولێر ـ ‏بەغدا و كاركردنی هەموو لایەن و هێزە سیاسییە عێراقییەكان لەپێناو ئارامی و ‏سەقامگیریی عێراقدا.‏"

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین