قەدیانی: پێویستە ریفۆرمخوازان بچنە پاڵ موسەوی و لە سیستەمی کۆماری ئیسلامی تێپەڕن
نوچەنێت
ئەبولفازل قەدیانی، چالاکی سیاسی و زیندانی سیاسی سەردەمی شا و دواتر زیندانی سیاسی کۆماری ئیسلامی هەروەها دانیشتووی ئێران، بە ئاماژەدان بە لێدوانی ئەم دواییەی میرحوسێن موسەوی، داوای لە هێزە ریفۆرمخوازەکانی ئەم وڵاتە کرد، کە "پەیڕوەی لە موسەوی بکەن و تێپەڕبوونی خۆیان لە سیستەمی کۆماری ئیسلامی رابگەیەنن".
قەدیانی لەم چوارچێوەیەدا لە یاداشتێکدا دەڵێت "چونکە زۆرینەی رەهای ئەوان [چاکسازیخوازان] بە دروستی گەیشتوونەتە ئەو ئەنجامەی، کە ناتوانرێت چاکسازی لەم سیستەمەدا بکرێت".
ئەم چالاکە سیاسییە لێدوانی ئەم دواییەی میرحوسێن موسەوی بە "خاڵی وەرچەرخان لە بزووتنەوەی دێموکراتیزەکردنی ئێران" وەسف کرد و نووسیویەتی کە سەرۆکوەزیرانی پێشووی کۆماری ئیسلامی "ئازایانە دەربازبوونی تەواوەتی خۆی لە سیستەمی کۆماری ئیسلامی راگەیاند".
رۆژی شەممەی رابردوو موسەوی، یەکێک لە رێبەرانی "بزووتنەوەی سەوز" کە تا ئێستا لە ماڵەوە دەستبەسەرە، بەیاننامەیەکی بڵاوکردەوە و داوای ریفراندۆمی "ئازاد و تەندروست"ی لە ئێران و دەربازبوون لە کۆماری ئیسلامی کرد.
دوای ئەوە حەوت زیندانی سیاسی ناسراو و هەروەها کۆمەڵێک بیرمەندی ئایینی نوێ و کەسایەتییەکانی رەوتی "نەتەوەیی ئایینی" پشتگیریان لەم لێدوانە کرد.
قەدیانی لە یاداشتەکەیدا نووسیویەتی: بە بۆچوونی من ئەمە هۆکاری یەکلاکەرەوەیە کە سیستەمی کۆماری ئیسلامی لە نێو خەڵکدا بنکەیەکی نییە، ئەو سیستەمە مەحکومە بە داڕمان.
ناوبراو دەشڵێت، ئەم سیستەمە بە سەرۆکایەتی عەلی خامنەیی، دیکتاتۆری پاوانخوازی ئێران، دەبێ بڕووخێت، بە پێچەوانەوە وڵات لە ناو دەچێت؛ بێگومان بەشێکی گرنگی وڵات بەهۆی ئەم سیستەمە و فەقێیەکەیەوە لەناوچووە و ئەوانی دیکەش لەناو دەچن”.
داواکاری قەدیانی بۆ پەیوەست بوونی هێزە ریفۆرمخوازەکان بۆ پەیوەندی کردن بە موسەوی بۆ تێپەڕبوون لە کۆماری ئیسلامی لە کاتێکدایە، کە محەمەد خاتەمی، سەرۆککۆماری پێشووی ئێران، رۆژی یەکشەممەی رابردوو، بەیاننامەیەکی بڵاو کردەوە و جەختی لە سەر پێویستی "چاکسازی" لە ئێران کردەوە. بەڵام تەنانەت خودی خاتەمی هەر لە بەیاننامەکەیدا دانی بەوەدانا، کە "هیچ نیشانەیەکی ویستی حکومەت بۆ راستکردنەوە و دوورکەوتنەوە لە هەڵەکانی رابردوو و ئێستا نییە".
سەرچاوە: رادیۆ فەردا
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment