دەزگاى هەواڵگرى توركيا ئه‌ندامێكى په‌كه‌كه‌ له‌ پارێزگاى سلێمانى ده‌ستگير دەكات تورکیە

نوچەنێت

دەزگاى هه‌واڵگرى توركيا له‌ ئۆپه‌راسيۆنێكدا له‌ پارێزگاى سلێمانى ڕه‌مه‌زان گونه‌ش، ئەندامى پارتى كرێكارى كوردستان ده‌ستگير دەكات، ‌پاشان دەيگوازێتەوە بۆ توركيا.

ئه‌مرۆ سێشه‌ممه‌(28/شوبات/2023) ماڵپه‌رى (سى ئێن ئێن)ى توركى بڵاويكرده‌وه‌، ده‌زگاى هه‌واڵگرى توركيا له‌ ئۆپه‌راسيۆنێكدا له‌ پارێزگاى سلێمانى ئه‌ندامێكى په‌كه‌كه‌يان ده‌ستگيركرد، به‌پێى هه‌واڵه‌كانى توركيا ئه‌و ئه‌ندامه‌ى ده‌ستگيركراوه‌ تۆمه‌تباره‌ به‌ كوشتنى (60) كارمه‌ندى ئه‌منى و (57)سه‌ربازوو دوو پاسه‌وان ماوه‌ى سالێكه‌ ده‌زگاى هه‌واڵگرى توركيا له‌ پارێزگاى سلێمانى چاودێرى ده‌كات كه‌ خۆى حه‌شاردابوو.

بەگوێرەى دەزگا راگەياندنەكانى توركيا ره‌مه‌زان گونه‌ش له‌ (2008) په‌يوه‌ندى به‌ په‌كه‌كه‌ كردووه‌و له‌ چه‌ند چالاكيه‌كى ئه‌م رێكخراوه‌ به‌شدارى كردووه‌،  له‌ ساڵى (2009) وه‌ك يه‌كه‌ى هێزى تايبه‌تى ئه‌م رێكخراوه‌ هه‌ڵبژێردراو له‌ ساڵه‌كانى (2011 و 2017) له‌ هه‌كارى چه‌ند چالاكيه‌كى ئه‌نجامداوه‌.

سەبارەت بەو هەواڵە تاكو ئێستا راگەياندنەكانى سەر بە پارتى كرێكارانى كوردستان لايەنە بەرپرسەكانى پارێزگاى سلێمانى هيچ روونكردنەوەيان لەسەر ئەم هەواڵە نەداوە.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین