سەرۆک هەرێمى کوردستان: لە كاتی یاساییی خۆیدا ڕۆژی ھەڵبژاردنەکان دیاری دەكەم
نوچەنێت:
پاشنیوهڕۆى ئهمڕۆ پێنجشهممه (دووى/ئادار/2023) سەرۆک نێچیرڤان بارزانى، سهرۆكى ههرێمى كوردستان، له فڕۆكهخانهى نێودهوڵهتیى ههولێر، پیشوازى له ئهنتۆنیۆ گۆتێرێس، سكرتێرى گشتیى نهتهوه یهكگرتووهكان كرد.
لە کۆبوونەکەدا، کە تێیدا جێگرانى سهرۆكى ههرێمى كوردستان ئامادە بوون، "دوایین پێشهاتهكانى دۆخى سیاسیى عێراق و ههرێمى كوردستان، پهیوهندییهكانى ههولێر ـ بهغدا و ههنگاوەكان و گفتوگۆى نێوانیان بۆ چارهسهكردنى كێشهكان، كارنامهى حكوومهتى فیدراڵى عێراق و دۆخى شهنگال"، تاوتوێ كران.
سهرۆك نێچیرڤان بارزانى، ڕۆڵى نهتهوه یهكگرتووهكانى له عێراق و ههرێمى كوردستان بهزر نرخاند، دواتریش پوختهیهكى دهربارهى بنهماكان و ڕێككهوتنى پێكهێنانى حكوومهتى نوێى عێراق و كارنامهكهى خستهڕوو، ئاماژهى بهوهشدا كه "كهشێكى ئهرێنى لهنێوان ههولێر و بهغدادا ههیه بۆ چارهسهركردنى كێشهكان، چاوهڕوانیش ههیه كە بهڕێز سهرۆك وهزیرانى عێراقى فیدراڵ لهسهر جێبهجێكردنى كارنامهى حكوومهت جدییه."
بەپێى ڕاگەیێندراوى سەرۆکایەتیى هەرێمى کوردستان، سكرتێرى گشتیى نهتهوه یهكگرتووهكان، "خۆشحاڵیى خۆى به ههنگاوهكانى گفتوگۆى نێوان ههولێر ـ بهغدا نیشان دا و پشتگیریى نهتهوه یهكگرتووهكانى بۆ ههوڵهكانى چارهسهركردنى كێشهكانى نێوانیان دووپات كردهوه."
سەبارەت بە هەڵبژاردنەکانى هەرێمى کوردستان، سهرۆك نێچیرڤان بارزانى دووپاتى كردهوه كه "وەك سەرۆكی ھەرێمى كوردستان لە كاتی یاساییی خۆیدا ڕۆژی ھەڵبژاردن دیاری دەكات و دەبێ لەمساڵدا ھەڵبژاردن ئەنجام بدرێت."
ڕاگەیێندراوەکە دەڵێت، ههردوولا هاوڕا بوون "لهسهر پێویستى و گرنگیى جێبهحێكردنى ڕێككهوتنى حكوومهتى فیدراڵیى عێراق و حكوومهتى ههرێمى كوردستان بۆ ئاساییكردنهوهى دۆخى شهنگال، تا ببێته هاندهر و ڕێخۆشكهر بۆ گهڕانهوهى ئاواره ئێزدییهكان بۆ سهر زێد و ناوچهكانیان و ئاوهدانكردنهوهیان."
سكرتێرى گشتیى نهتهوه یهكگرتووهكان دهربارهى دۆخى ناوخۆى ههرێمى كوردستان، ئاماژەى بەوەکرد، كه "چارهسهركردنى كێشه ناوخۆییهكان و یهكڕیزیى لایهنه سیاسییهكان، پێگهى ههرێمى كوردستان لهسهر ئاستى عێراق و له دهرهوهش بههێز دهكات."
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment