ئێران رێککەوتنی ئێکاتی رەتدەکاتەوە
نوچەنێت:
بەرپرسێکی ئێرانی دەڵێت، کە تاران بە هیچ جۆرە "رێککەوتنی ئەتۆمی کاتی" رازی نابێت و دەشڵێت "تا سێ مانگی دیکە رێککەوتن نەکرێت، دواتر گەیشتن بە رێککەوتن ئەستەم دەبێت".
ئەم بەرپرسەی ئێران، کە نەیویستووە ناوی ئاشکرا بکرێت، دوێنی رۆژی چوارشەممە (5)ی نیسان،بە ئەلمۆنیتۆری راگەیاندووە: ئێران ئامادە نییە هیچ رێککەوتنێکی کاتی ئەتۆمی قبوڵ بکات.
هەرچەندە پێشتر ئیدارەی بایدن رایگەیاندبوو، کە "بەرجام" لە بەرنامەی کاری ئەمریکادا نییە، بەڵام ماڵپەڕی ئەمریکی ئەکسیۆس رۆژی دووشەممە لە راپۆرتێکدا ئاشکرای کرد، کە ئیدارەی بایدن پلانێکی بۆ هاوپەیمانەکانی باس کردووە، کە پێشنیاری بە ئێرانی کردووە، کە بەشێک لە بەرنامە ئەتۆمییەکەی رابگرێت، تاکو واشنتۆن بەشێک لە سزاکانی بۆ سەر ئێران لە بەرامبەردا هەڵپەسێرێت.
ئەو بەرپرسە ئێرانییە ئاماژە پێکراوە، ئەم پێشنیازە تەنیا بە "ئەنجامی گفتوگۆی ناوەندە بیرمەندەکان" ناوبردووە و رایگەیاندووە، کە پێشتر پێشنیاری هاوشێوە لە پێوەندی لەگەڵ تاراندا کراوە.
دانوستانە ئەتۆمییەکان بۆ زیندووکردنەوەی رێککەوتنی ئەتۆمی «بەرجام»، بە ئامانجی گەڕانەوەی ئێران و ئەمریکا بۆ ئەم رێککەوتنە، لە هاوینی ساڵی رابردووەوە راگیراوە. ئەمریکا ئێرانی بەوە تۆمەتبار کردبوو، کە لە دەرەوەی یاسای بەرجام داواکاری پێشکەش دەکات.
ئەم بەرپرسە ئێرانییە، لە چاوپێکەوتنەکەیدا لەگەڵ ئەلمۆنیتۆر جەختی لەوە کردۆتەوە، کە ئەگەر لە ماوەی "دوو بۆ سێ مانگی داهاتوو"دا رێککەوتنێک نەکرێت، بە لەبەرچاوگرتنی ئاڵۆزییەکانی ئێستا، گەیشتن بە رێککەوتنێک ئەستەمە.
سەرچاوە: رادیۆ فەردا
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment