وەزارەتى سامانە سرووشتييەكان: نرخى بەنزين هەرزان دەبێت کوردستان- عێراق

نوچەنێت

وەزارەتى سامانە سرووشتييەكان رايگەياند، “لە مانگی ئایارەوە نرخی لیتری بەنزینی ( نۆرماڵ) بە کوالێتیەکی باش دەبێتە (750) دینار."

ئەمڕۆ يەكشەممە (30/ نيسان/ 2023) وەزارەتى سامانە سرووشتييەكان لە لاپەڕەى فەرمانى خۆى بڵاويكردەوە، "لە پێناو بەرژەوەندی گشتی و بۆ بەرزكردنەوەی كوالێتی بەنزین و یەكخستنی نرخی بەنزین ؛ وەزارەتی سامانە سروشتییەكان لە 1ی ئایارەوە بۆ ماوەی یەك مانگ نرخی لیتری بەنزینی جۆری نۆرماڵ دەكاتە (750) دینار بۆ سەرجەم ئۆتۆمبێلەکانی تایبەت و تاکسی و پاس و پیکاب.

وەزارەتى سامانە سرووشتييەكان ئاماژە بەوە دەكات، “لە ڕێگەی پاڵاوتگەكانی ناوخۆوە ئەم بەنزینە كوالێتییە بەرزە بەرهەم دەهێنێت و لێژنەکانی چاودێری و بەدواداچوون لە بەڕێوەبەرایەتی نەوت و کانزاکان لە پارێزگاكان و ئیدارە سەربەخۆكان بەهەمان میكانیزمی پێشوو چاودێری بەدواداچوونی كوالێتی بەنزین دەكەن، بەپێی ئەو خەسڵەتەی پەسەندكراوە لەوەزارەت بۆ هەموو بەرهەمێكی بەنزین."

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین