بەغدا و تاران بۆ هەناردەکردنی نەوت گەیشتنە ڕێککەوتن
نوچە نێت:
ڕۆژی شەممە (2026/8/22) ئاژانسی ڕۆیتەرز بڵاویکردەوە، میدیاکانی ئێران باس لەوە دەکەن دوای چەندین هەوڵدان لەلایەن عێراقەوە، ئێران مۆڵەتی بە ژمارەیەک لەو کەشتییە نەوتییانە داوە کە نەوتی عێراقیان هەڵگرتووە لە گەرووی هورمز تێبپەڕن، هەروەها مۆڵەتی تاییەت بۆ تێپەربوونی تانکەرە عێراقییەکان یەکێک لە داوا سەرەکییەکانی بەغدا بووە لە کاتی سەردانەکەی محەمەد باقر قالیباف سەرۆکی پەرلەمانی ئێران بۆ عێراق.
لەلایەکی تر نزار ئامێدی سەرۆک کۆماری عێراق ڕایگەیاند، بەرپرسانی ئێرانی و عێراقی تاوتووێی هەناردەکردنی نەوتی عێراقیان کردووە بە گەرووی هورمزدا و گەیشتوونەتە ئەنجام، ئێران لە چەند ڕۆژی ڕابردووشدا ئاسانکاری کردووە بۆ تێپەربوونی ئەو کەشتییە نەوتییانەی کە نەوتی عێڕاقیان هەڵگرتووە.
عێراق بەر لە دەستپێکردنی جەنگ ڕۆژانە زیاتر لە چوار ملیۆن بەرمیل نەوتی بەرهەمدەهێنا، بەڵام لە ئێستادا ئاستی بەرهەمهێنان دابەزیووە بۆ خوار دوو ملیۆن، كە یەکێک بووە لەو وڵاتانەی زۆرترین زیانی بەرکەوتووە بەهۆی داخرانی گەرووی هورمز. هاوكات پێشتر عەلی زەیدی سەرۆک وەزیرانی عێراق ڕایگەیاند، عێراق هەوڵدەدات بۆ فراوانکردنی سەرچاوەکانی هەناردەکردنی نەوت، لە ڕێگەی بەندەری جەیهانی تورکیا و هەروەها دەستپێکردنی هەناردەکردنی نەوت لە ڕێگەی بەندەری بانیاسی سوریا و بەندەری عەقەبەی ئوردن.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment