وەزارەتی كشتوكاڵ داوا دەكات لە دانوستاندنەكانی دۆسیەی ئاو بەشدار بێت عێراق ناوچەکە و جیهان

نوچه‌نێت

كەریم سلێمان بریكاری وەزارەتی كشتوكاڵی هەرێمی كوردستان رایگەیاند، وەزارەتەكەی داوای لە حكومەتی فیدڕاڵی عێراق كردووە بۆ ئەوەی لە دانوستاندنە نێودەوڵەتییەكانی دۆسیەی ئاو بەشدار بێت و نوێنەری هەبێت.

ئەمڕۆ شەممە شەشی ئایاری 2023 كەریم سلێمان لێدوانی بۆ ماڵپەڕی شەفەق نیوز داوە و گوتویەتی، "بێگەرد تاڵەبانی وەزیری كشتوكاڵ و سەرچاوەكانی ئاوی هەرێمی كوردستان داوای لە سەرۆكی حكومەتی فیدڕاڵی كردووە، كە وەزارەتەكەی نوێنەری هەبێت لەو لیژنانەی دانوستاندن لەسەر تەنگژەی ئاو لەگەڵ لایەنی توركی و ئێران و هەر دەوڵەتێكی تر دەكەن".

بریكاری وەزارەتی كشتوكاڵ روونیشی كردووەتەوە دوو رۆژ لەمەوبەر لەسەر ئاستی عێراق كۆبوونەوەیەك بە سەرۆكایەتی محەمەد شیاع سوودانی سەرۆك وەزیرانی عێراق بەڕێوەچووە، بێگەرد تاڵەبانی لەو كۆبوونەوەیە داواكەی كردووە و ئێستا وەزارەتەكە چاوەڕوانی بەغدایە.

 ئەمڕۆ لە عێراق كۆنگرەی سێیەمی ئاو بەڕێوەچوو، محەمەد شیاع سوودانی لە وتارێكدا لە كۆنگرەكە گوتی، "تەنگژەی ئاو لە هەشتاكانەوە لە عێراق دەستیپێكردووە و تا ئێستا بەردەوامە و كۆمەڵێك لێكەوتەی كۆمەڵایەتی و ئابووری بۆ عێراق هەبووە". 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین