Nuce Logo

نووسينى ديڤيد هێرتس

وەرگێرانى: ئيسماعيل تەها

گۆڤارى ئيكۆنۆميست كاتێك بە روونى رقى خۆى بەرانبەر ئەردۆغان هەڵدەڕێژێت، كە سەرۆكێكى هەڵبژێردراوە، بە روونى سنوورەكانى رق تێدەپەڕێنێت، ئەو گۆڤارە لەدواين ژمارەى دەڵێت، "هەڵبژاردنى سەرۆكايەتى توركيا گرنگترين رووداوى ئەمساڵە."پێشى وايە ئەنجامەكانى ئەو هەڵبژاردنە بەتەنيا داهاتووى توركيا ديارى ناكەن، بەڵكو داهاتووى خودى ديموكراسيش ديارى دەكەن.

گۆڤارەكە جەخت لەسەر ئەوە دەكاتەوە، گرنگترين شت بە رەهايى لەو قۆناغە سەركەوتنى پياوە بەهێزەكانە لە مەجەرەوە بۆ هندستان، ئەويش كەواندنى ئەردۆغانە، كە دواى كەوتنى سەرۆكى توركيا ئەوە دەچەسپێت كە ديموكراسى لە هەموو شوێنێك دەتوانێت پياوە بەهێزەكان شكست پێبهێنێت.

هاوشێوەى ئەو بۆچوونە لەوپەڕى نەفامييە

لەوانەيە گۆڤارى ئيكۆنۆميست ئاگادارى ئەوە نەبێت توركيا لە سيايەى سيستەمى بەهێز پياوێكى بەهێز سەركردايەتى دەكات، وڵاتێكە تا ئێستا هەڵبژاردنى ئازادى تێدا بەڕێوە دەچێت، ئەوەش پێچەوانەيە لەگەڵ ئەو ناوچەيە كە تا ئێستا ديكتاتۆريەت تێيدا بووە بە نەريت.

ئەو هەڵبژاردنە ئازادانەيە، بەڵكو زۆريش جەماوەرييە، جەمسەرگيرى زۆريان هەيە، لەگەڵ ئەوەشدا دەرفەتى ياريكردن تێيدا بۆ هەموويان يەكسان نييە، بەتايبەت تواناى لايەنە ئۆپۆزسيۆنەكان بۆ سوودوەرگرتن لە راگەياندنەكانى دەوڵەت، بەڵام لەگەڵ ئەوەشدا وەك هەڵبژاردنێكى ئازاد دەمێنێتەوە.

هەرچەندە لە هەڵبژاردنى شارەوانييەكان لە (2019) هەڵبژاردنى ئەكرەم ئيمامئۆغلۆ، كانديدى ئۆپۆزسيۆن لەسەر بنەماى ئەوەى ئەنجامەكانيان لێكنزيك بوو، هەڵوەشێندرايەوە، بەڵام لە گەڕى دووەم رێژەى دەنگەكانى زياتر بوو، لەگەڵ ئەوەشدا سيستەمى هەڵبژاردنەكان لە توركيا تا ئێستا بەهێزە.

سەرجەم پارتەكانى توركيا لە بنكەكانى هەڵبژاردن هەن، لە هەموو قۆناغەكانى ژماردنى دەنگەكان بەشداربن، لە  گواستنەوەى سندووق و پڕۆسەى كۆتاجياكردنەوەش بەشدارن، هەروەك هەموو كارتێكى دەنگدان دەبێت لێى دڵنيابن، ياخود لەلايەن نوێنەرانى هەموو كانديدەكان رەخنەيان لێى هەبێت.

سەرەڕاى ئەوەش ئەو هەڵبژارنە هەڵبژاردنى حەوتەمە ئەردۆغان ملكەچى دەبێت، كە لەو كاتەوەى لە (1994) وەك كانديدى سەرۆكى شارەوانى ئيستەنبۆڵ بەشدار دەبێت، ئەوە ئەو پياوەيە گۆڤارى ئيكۆنۆميست بە ديكاتۆر ناوى دەبات.

ديكتاتۆرەكانى تر

گۆڤارى ئيكۆنۆميست لە ماوەى (10) ساڵ شەش بەرگى بۆ هەمان بابەت دياريكردووە، هەموويان تێيدا ئەردۆغانيان كردۆتە ئامانج، ئەى سەركۆنەكردنى هاوشێوە بەرانبەر سەركردەكانى تر لەكوێ كە نيمچە كۆدەنگيەك لەسەر ئەوە هەيە كە زۆر لە سەرۆكى توركيا خراپترن.

بۆ نموونە عەبدولفەتاح سيسى، سەرۆكى ميسر كە بەم دواييە ناوى (81) چالاكوانى مافەكانى مرۆڤ و رۆژنامەنووسانى خستە ليستى تيرۆر، كە پێشتر شەش هەزار و (300) ناو لەو ليستەدا بوون، لەو ژمارەيە (32) رۆژنامەنووسى ميسرى لە كەناڵەكانى جەزيرە و شەرق و مەيادين و وەتەن و تۆڕى رەسد ماڵپەڕە هەواڵييەكانى رەخنە لەحكومەتەكەى دەگرن تێدليە، جگە لەو ژمارەيە (60) هەزار زيندانى سياسى لە زيندانەكانن، تا ئێستا ئەو گۆڤارە يەك وشەى لەسەر نەگوتوون، ئەوانە لە رۆژئاوا بەم جۆرە بەرگرى لەو سياسەتانە دەكەن كە لەسەر بنەماى بەهاكان  رۆژئاوا بونيادنراوە.

ئەو گۆڤارە چى لەبارەى محەمەد بن سەلمان، شازادەى جێنشينى سعووديە و سەرۆك وەزيرانى ئەو وڵاتە نووسى؟ كە فەرمانى بە كوشتنى رۆژنامەنووسێك كرد و پاشان پارچەپارچەى كرد، ياخود فەرمانى كرد  بە هەڵواسينى سەرەوژێرى نەيارە بزنسمانەكانى، تاوەكوو سازش لە موڵك و ماڵەكانيان بكەن.

ئايا ئەوە كاريگەرى لەسەر ديدى ئەو گۆڤارە بۆ سعووديە چييە كە بە پڕۆسەى چاكسازى و نوێگەرى تێدەپەڕێت، بە هەر حاڵ گۆڤارى ئيكۆنۆميست لە بابەتى داماڵين لە بابەتيبوون لە حكومدان لەسەر توركيا تەنيا نييە.

ئەوە دێرشبيگل، نموونەى باڵاى ليبراڵ ديموكراتى كۆمەڵايەتييە لە ئەڵامانيا، وێنەى ئەردۆغانى لەسەر كۆرسيەكى درزتێبووى داناوە، لەپشتى وێنەى مانگێكى پارچەپارچەبووى داناوە، كە سيمبووڵى ئيسلامە.

لە (100) ساڵەى بوونى توركيا دەكەوێتە سەر دوو ڕيان: ياخود جەختكردنەوە لەسەر سەركەوتنى ئەردۆغان بۆ جارى سێيەم لە سەرۆكايەتى، چاودێران ترسى ئەوەيان هەيە توركيا بۆ وڵاتێكى ديكتاتۆرى بگۆڕێت، ئەردۆغان ببێتە فەرمانڕەوايى تا لە ژيانە، هەڵبژاردنەكانەكان هەڵوەشێنێتەوە.

 ئەگەر رۆژنامەى دير شبيگل بەم جۆرە وێنەى بنيامين ناتەنياهۆ، سەرۆك وەزيرانى ئيسرائيل لەسەر عەرەشێكى درزبردووى جووەكان دانيشێت، ئەستێكى پارچەپارچەبووى داودى لەپشتەوە بێت چى روودەدات؟

سەبارەت بە ليپۆينت، بەراوردى ئەردۆغان بە ڤلاديمێر پۆتين، سەرۆكى رووسيا دەكات، دەنووسێت، "هەردووكيان خەونى گێڕانەوەى ئيمپڕاتۆريان هەيە، هەدووكيان ئاين بەكاردەهێنن، هەردووكيان هێرشيان كردۆتە سەر وڵاتانى تر."

سەبارەت بە دۆخى توركيا ئەو رۆژنامە دەڵێت، توركيا هێرشى كردۆتە سەر باكوورى قوبرس. لەكاتێدا ئەو هێرشە لە ساڵى (1974) لەسەردەمى بوڵند ئەجەويد، كە سياسيەكى كەمالى پارتى گەلى كۆمار بوو، فەرمانڕەواى توركيا روويداوە، پاشان باسى لەشكركێشييەكانى توركيا بۆ ليبيا و سوورياش دەكات.

ئايا دەزانى شتێكت لەبير چووە، ئەى چى لەبارەى هێزەكانى ئەمەريكا و رووسيا و ئێران لە سووريا دەڵێى؟ ئايا سەرجەم وڵاتانى رۆژئاوا هەڵوى شكستخواردوويان بۆ ئەوە نەدا بەشار ئەسەد، سەرۆكى سووريا لەسەر دەسەڵات لادەن، پاشان ئايا توركيا لەم دواييە سەرۆكى رێكخراوى تيرۆستى داعشى نەكوشت، كە تا ئێستا هاوپەيمانى نێودەوڵەتى لە جەنگدايە لە دژى؟

لە ليبيا ئايا مورتەزەقەى فاگنەرى رووسى و ئيمارات و و ميسر و لەپشت هێرشەكانى كۆنتڕۆڵكردنى تەرابلووس نەبوون، پێش ئەوەى توركيا بەفڕۆكەى بێفڕۆكەوان رێگرى بكات؟

داڕوخانى عەقڵيى ئەوروپا

ئەو جۆرە لە قسەكردن تەنيا ئەوە نييە پڕبێت لە هەڵە و تێپەڕاندن، بەڵكو بەرانبەر دۆخى توركيا پڕۆسەى دڵنيابوونەوە لەراستى و درووستى بە بۆچوونى ئەوانە بۆماوەيەكى كاتى لەكارخراوە.

ئێستا ئەردۆغان بە ئيسلاميى ناودەبەن، ئەوە لەكاتێدايە لە يەكەم محەمەد مورسى ئەندامى ئيخوان لە ميسر ئەدرۆغان لەكاتى سەردانى بۆ ئەو وڵاتە داواى پەيڕەوى عەلمانيەتى لێكردن.

راستييەكە هەرچييەك بێت، ئێستا ئەردۆغان هەڵگرى هێزێكى شەيتانييە، دەگوترێت هەڕەشەيە بۆ سەر ديموكراسى ئەوروپا، ئەوەش لەبەر ئەوە نييە بە خۆسەپێنەرناودەبرێت، بەڵكو لەبەر ئەوەيە موسڵمانە.

هاوشێوەى ئەو كۆمێنتانە هزرى ئەوروپى ئاشكرا دەكات، كە تووشى داڕوخانى عەقڵى بوونە، لەوانەيە پزيشكانى دەروونى زۆرشت لەوە فێربن.

گەڕانەوە بۆ كوڕەى زەوى لە چركەساتێك پێويستە دان بەوە دابنێين، ئەگەر هەيە ئەردۆغان لەو هەڵبژاردنە شكست بهێێت.

وەك چاوەڕوان دەكرێت، ئەگەر ئەردۆغان لەم هەڵبژاردنە سەركەوت، ئۆپۆزسيۆن كۆنتڕۆڵى پەرلمانى كرد، ئەوكاتە زۆربەى دەنگى پارتەكانى تر دابەش دەبێت.

بێگومان لەماوەى (20) ساڵى رابردوو ئەردۆغان دەچێتە قوورسترين هەڵبژاردن، بەگوێرەى راپرسييەكان بڵاوكردنەوەيان وەستاوە، هەردوو كانديد لە پێشبڕكێن، هەموو هەڵبژاردنەكانيش پەراوێزێكى هەڵەيان تێدايە.

ئەگەر ئەردۆغان شكست بهێن، ئەوە دەبێتە هۆى بەرزبوونەوەى هەڵاوسان و بژێوى ژيان، ئەوەش كاريگەرى مادى لەسەر هێزى كڕين دەبێت، جگە لەويش كەس نابێت سەرزەنشت بكرێت.

ئەردۆغان سێ جار پارێزگارى بانكى ناوەندى گۆڕى سووربوو لەسەر سياسەتە تايبەتەكەى پەيوەست بە رێژەى سوو، كە ناكرێت بەرگرى لێ بكرێت، كە دەستى بە بەتاڵكردنەوەى يەدەگى دراوە قوورسەكان و زێڕكرد.

سياسەتێكى نوێى دارايى لەدواى هەڵبژاردنەكان  پەيڕەو دەكات، بەڵام ئەگەر شكست بهێنێت لەپشتييەوە ئابوورى هەيە نەك دەسەڵاتخوازى.

لە ميانەى بەشى كۆتايى لە دەسەڵات ئەردۆغان نوێنەرايەتى سەقامگيرى دەكات، لە (2018) توركيا بەرانبەر گۆڕانكارى دەنگى بۆ سەقامگيرى دا، بەڵام ئێستا دۆخەكە پێچەوانەبۆتەوە، توركەكان گۆڕانكاريان دەوێت، نەوەيەكى تەواو هاتۆتە ئاستى كۆمەڵايەتى چووينە چينى ناوەڕاست.

ئێستا كچان و كوڕانى لايەنگرانى ئاكپارتى دكتۆر و ئەندازيارن، ئێستاش تواناى گرتنى كرێكى خانوونيان لە ئيستەنبۆڵ نييە، خۆشيان لە قەيرانێكى راستەقينەى بژێوى ژيان دەبيننەوە، ئەوان ئێستا بەدواى دەرفەتى بەرەوپێشچوون بەهۆى شايستەييان دەگەڕێن، نەك بەهۆى لايەنگرى سياسي.

حكومەتى تاكە كەسى

حكومەتى سەرۆكايەتى لەسەردەمى ئەردۆغان سيستەمێكە يەك كەس بەڕێوەى دەبات، ميكانزمێكى گەورەى تێدايە، حكومەت و كۆمەڵگەى مەدەنى دەگرێتەوە، خۆى دەست لە هەموو وردەكارييەكان وەردەدات، هەر دامەزراندنێك لە هەر ئاستێك بێت لەخوارەوە بۆ نجيزەى ئيدارى جێجبەجێكردن پێويستى بە واژۆى ئەوە، ئەوەش دەبێتە هەڵوەشاندنەوەى واژۆى بەرێوبەرە راستەوخۆكان، بەو جۆرە گۆڕانكارى زۆرى پێويستە.

بێگومان چيرۆكى كليچدار ئۆغلۆ سەبارەت بەگەڕانەوە بۆ ديموكراسى پەرلەمانى و دامەزراوەيى بەهێزى سەربەخۆ لە دەسەڵاتى سياسى چيرۆكێكى جێى سەرسوڕمانە، بەڵام تا ئەو چركە ساتە تەنيا چيرۆكێكە و زياتر نييە.

ئەو چيرۆكە لاى رەوتەكان كەمتر مايەى سەرنجراكێشە بۆ جەماوەرى ليبرالى ئەوروپى، وەك پۆپۆليستى و رەگەزپەرستى سياسى جەهەپە، كە بەرەنگارى پەنابەرانى سوورى و هەموو ئەوانەى بە زمانى عەرەبى قسە دەكەن، ئەو رەگەزپەرستيبيە بەروونى لەدواى بوومەلەرزەكە دەركەوت.

كەمال كليچدار بەڵێنى زۆرى بەخەڵك داوە، لەوانە ڤيزاى شينگن بۆ وڵاتان، ئەوەش سێ مانگ لەدواى وەرگرتنى پۆستى سەرۆكايەتى، بەڵام تا ئەردۆغان گەيشتە سەر شانۆى سياسى بەڵێنى چوونە يەكێتى ئەوروپاى دا، لە (2016) لە دانووستاندنەكان لە گەشتى بەبێ ڤيزا بۆ هاووڵاتيانى توركيا نزيك بۆوە.

ئەردۆغان لە رێگەى ئەزموونە تاڵەكانى لەگەڵ پايتەختەكانى ئەوروپا زۆر شت فێربووە، هەموو كەس پێويستە پەند لەو بابەتە باشە وەربگرێت، كە ئەو بەربەستەى لەبەردەم چوونى توركيايە بۆ يەكێتى ئەوروپا لەناو توركيا نييە.

لە ساڵى (1992) واتا (11) ساڵ پێش ئەوەى ئەردۆغان بگاتە سەر دەسەڵات، ئەڵمانيا پەيامى تێكەڵى لەسەر وەرگرتنى توركيا بۆ يەكێتى ئەوروپا دەنارد، كلاوس كەنكيل، وەزيرى دەرەوەى ئەڵمانيا لەبەردەم وەزيرى دەرەوەى توركيا رايگەياند، ئەڵمانيا پاڵپشتى وەگرتنى توركيا لە يەكێتى ئەوروپا دەكات.

بەڵام بەگوێرەى ئەو بەڵگەنامانەى پەيمانگەى مێژووى هاوچەرخ لە ميونيخ بڵاوىكردۆتەوە، هێڵمۆت كۆهل، راوێژكارى ئەڵمانيا لەپشت پەردەوە لەكاتى سەردانى بۆ نەرويج بە هاريلم برۆنتلاند، سەرۆك وەزيرانى ئەو وڵاتەى راگەياندووە، دژى وەرگرتنى توركياين لە يەكێتى ئەوروپا.

بەهەمان شێوە لەسەر كۆهل كاتێك ديموكراسى ليبرالى گەشەى كردوو و جێگر بوو، چۆن بيرۆكەى وەرگرتنى توركيا لە يەكێتى ئەوروپا سەير دەكرا، كە هاوكات بوو لەگەڵ بەرزبوونەوەى راستڕەوە توندەڕەوەكان لە ئەڵمانيا و ئيتاڵيا و فەرەنسل و ئەوروپاى رۆژهەڵات.

هێرشى دوژمنكارانە

دوژمنايەتى ئيسلام و گومان لە موسڵمانان گەيشتە ناو رەوتى سياسى گشتى ئەوروپا، رەخنەش لەوانە ناگرن دەچنە پاڵ ئەورەوتە نەتەوەييە سپيپێستە، هيچ مەترسييەك لەسەر داهاتووى پيشەيى و كاريان نييە. 

 لە ديدارێكى تەلەفيزيۆنى ئەڵمانى لەگەڵ كليچدار ئۆغلۆ بە ئۆلاڤ شۆڵتزى، راوێژكارى ئەڵمانى دەچوێنن، بێگومان ئەگەر بە جۆبايدنى ئەمەريكيش وەسف بكرێت دڵخۆش دەبێت، كاتێكيش گەيشتە دەسەڵات پۆزش بۆ ئەو بەراوردانە لاى دەنگدەرى توركى دەهێنێتەوە، ئەوانەى كە بڕويان بە بەڵێنەكانى كرد بوو، زۆر زوو تووشى بێ هيوايى دەبن.

لە داهاتووش درك بە هۆى راستەقينەى رۆژئاوا لەسەر ئەو دوژمنايەتى بۆ ئەردۆغان دەكرێت، دوورونزيك پەيوەندى بە دەسەڵاتخوازى ئەردۆغان، ياخود بەرتەسكردنەوەى ئازادى رۆژنامەگەرى و چەوساندنەوەى خەڵك نييە، ئەگەر تێبينى ئەوە بكرێت هيچ چەوساندنەوە و خۆسەپينى نەبۆتە پاڵنەرى وەستاندنى وەبەرهێنان لە سعووديە، بەڵكو هۆى راستەقينە ئەوەيە ئەردۆغان توركياى كردووە بە وڵاتێكى سەربەخۆ، هێزەكانى چەكى پێشكەوتوويان هەيە، وڵاتێكە ملكەچى خواستەكانيان نابێت، ئەوەش هۆى راستەقينەى هەموو ئەو دژايەتيانەى رۆژئاوايە بۆ توركيا.

هەروەك جەماوەربوونى ئەردۆغان وەك سەركردەيەك لە جيهانى ئيسلاميى سوونى، دەبێتە هەڕەشە بۆ سەر رۆژئاوا، سەركردە سەربەخۆكانى وەك مورسى و عيمران خان هەمان چارەنووسيان دەبێت.

تا ئێستا ئەردۆغان لەو چارەنووسە دەربازبووە

نزيكايەتى ئەردۆغان لە پۆتين سەركۆنە دەكەن، توركيا يەكێكە لەو وڵاتانەى كە ژمارەيان كەمە دەتوانێت دانووستاندن لەسەر ئاڵۆگۆڕى ديلەكانى نێوان ئۆكراينا و توركيا بكات، دەتوانێت گرێبەستەكانى دانەوێڵە بەردەوامى پێ بدات، لەگەڵ ئەوەش ئەوە درێژە ناكێشێت.

ئەگەر بەڵێنەكانى هێرشى پێچەوانەى ئۆكراينا شكستى هێنا، بەهەمان شێوە بايدن خواستى بەردەوامى پێدانى مووشەك و بۆبمى بە كيێڤ لاواز بوو، هەموويان دەگەڕێنەوە بۆ ئەنقەرە تاوەكوو گفتوگۆ لەنێوانيان دەست پێ بكات.

جارێكى تر رۆژئاوا بێلايەنى توركيا لەو ململانێيە پێ كارێكى نەشياو نييە

زۆربەى راپۆرتەكان باس لە ئەگەرى شكستى ئەردۆغان لەو هەڵبژاردنە دەكەن، بەڵام چەندين سيناريۆش هەيە ئەگەرى سەركەوتن دەردەخات، ئەو هێرشە دوژمنكارانە لە ئەوروپا بەبێ تێبينى ئەوروپا تێناپەڕێت.

كاتێك ئەردۆغان داواى گردبوونەوەى جەماوەرى لە فڕۆكەخانەى كۆنى ئەتاتوركى لە ئيستەنبۆڵ كرد، سەدان هەزار خەڵك رووى تێكرد، هەندێك گەنگەشە لەسەر ئەو ژمارانە دەكەن، بەڵام بەبێگومان قەبارەى بەشداربووان هەمووانى تووشى شۆك كرد، بەتايبەت ئەو شارە ئێستا لەبن دەستى ئۆپۆزسيۆنە.

ديموكراسى لەژێر پەيڕەوكردندا

ئەگەر ئەردۆغان سەركەوت، ئەوكاتە لەبەر ئەوەيە توانيويەتى دەنگدەرى موحافيزكار قەناعەت پێبهێنێت بگەڕێنەوە ريزى ئاكپارتى، ئەو دەنگدەرانە بەگشتى بەشدارى راپرسى ناكەن، چونكە زۆربەيان لە شارە گەورەكان نيينە، لەگەڵ ئەوەش خاوەنى هەژموونێكى زۆرن لە هەڵبژاردنەكان، ئەوكاتە ستراتيژيەتى كليچدار ئۆغلۆ شكست دەهێنێتت، كە لە رێگەى دوو  ئەحمەد داود ئۆغلۆ، سەرۆك وەزيرانى پشوو و عەلى باباجان وەزيرى دارايى كە هەردووكيان هاوڕێى ئەردۆغان بوون، دەنگى موحافيزكارەكان راكێشێت.

ئەگەر دەنگدان بكەوێتە گەڕى دووەم وەك چاوەڕوان دەكرێت، ئەوا ئەردۆغان كارتى لەدەست دەبێت دەتوانێت بەكارى بهێنێت، ئەوەش بە دياريكردنى دوو كەس يا سێكەس وەك جێگرى سەرۆك لەوانەى شارەزان لە سياسەتى دارايى و دەرەوە، لە بەرانبەردا گرنگترين كارت بۆ كليچدار ئۆغلۆ نامێنێتەوە.

ئەوە ديموكراسى توركيە لەژێر پەيڕەودايە، لە قوورسايەك لەلاى لايەنەكان هەيە، بۆ ماوەيەكى زۆر لە هەڵبژاردنەكان ون دەبێت، زۆربەى ئەوانەى پێويستيان بە گۆڕينى سيستەمى سەرۆكايەتى هەيە، من لەسەرەتاوە دژ بەوە بووم.

ئەو كاتە گوتم توركيا پێويستى بە دەزگاى راگەياندنى سەربەخۆ و بەهێز هەيە، پێويستى بە دامەزراوەى سەربەخۆى هەيە، وەزيرەكان پێويستيان بە چاودێرى و لێپرسينەوەى پەرلەمان هەيە، لەلايەن سەرۆكەوە هەريەك سكرتێرى تايبەتى هەبێت، هەروەك بانكى ناوەندى پێويستى بەسەربەخۆيى هەيە بۆئەوەى رێزى بازاڕەكان بەدەست بهێنن.

ئەوەش بە دەستەواژەى سەرۆكايەتى ناكارى ئەردۆغان ساڵانێكى لەپێشە، وەك ئەوەى لە وڵاتانى عەرەبى روودەدات، كە سەركردەكانى بە خۆبەزلزانييوە دەڵێن، گەلەكەيان وەك پێويست ئامادەيى ئەوەيان تێدا نييە هەڵبژاردنى ئازاد بكەن.

ئەوروپا نوێژ بۆ كەوتنى ئەردۆغان دەكات، كاتێك ئەوە دەكات ئەوە گەورەترين پاساو دەداتە توركەكان كە خۆيان بڕيار لەسەر ئەو كەسە بدەن دەيانەوێت، ئەوەك دەيانەوێت پارێزگارى لە سەربەخۆييان بكەن كە چەندين ساڵ لەپێناوى شەڕيان كردووە، گيانيان لە پێناوى بەخت كردووە.

سەرچاوە: نون پۆست