لە كاتژمێرێكدا شەش حاڵەتی تەڵاق لە عێراق تۆمار دەكرێت هەواڵ

نوچەنێت

ئەنجومەنی باڵای دادوەری عێراق ئاماری هاوسەرگیری و جیابوونەوەی مانگی نیسانی رابردووی بڵاوكردووەتەوە و ئاشكرای كردووە چوار هەزار و 643 حاڵەتی تەڵاق تۆماركراون و لە هەر كاتژمێرێك شەش جیابوونەوە هەبووە.

ئەمڕۆ پێنجشەممە 18ی ئایاری 2023 ئەنجومەنی باڵای دادوەری لە عێراق ئامارێكی فەرمی بۆ هاوسەرگیری و جیابوونەوەی هاوسەران بڵاوكردووەتەوە دەركەوتووە لە مانگی نیسان چوار هەزار و 643 حاڵەتی جیابوونەوە هەبووە، لە هەر 15 پارێزگاكەی عێراق.

ئەنجومەنی دادوەری دەڵێ‌، "لە رۆژێكدا 150 حاڵەتی جیابوونەوە هەبووە و لە كاتژمێرێكدا شەش حاڵەت هەبووە". بەگوێرەی ئامارەكە 14 هەزار و 786 گرێبەستی هاوسەرگیری لە دادگاكان تۆماركراون و دوو هەزار 319 هاوسەرگیریش لە دەرەوەی دادگا ئەنجامدراون. واتە 17 هەزار و 98 هاوسەرگیری تۆماركراون سەبارەت بە تەڵاقەكەیش سێ‌ هەزار و 317 حاڵەتی جیابوونەوە لە دادگاكان ئەنجام دراون، هەزار و 326 حاڵەتیش لە دەرەوەی دادگا ئەنجام دراون.

پێشتر شارەزایان ئاشكرایان كردبوو، بە هۆی دیاردەی زوو بەشوودان، ناپاكی هاوسەران، خراپی دۆخی ئابووری و خراپ بەكارهێنانی هۆكانی پەیوەندی، ناسەقامگیری باری كۆمەڵایەتی و ئاوارەیی، دیاردەی جیابوونەوە زیاد بووە.
 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین