لە ناحیەى تەقتەق ژمارەیەک هاووڵاتى بە تۆمەتى تیرۆر دەستگیر دەکرێن کوردستانی

نوچەنێت:

لە سنوورى ناحیەى تەقتەق ژمارەیەک هاووڵاتى لەلایەن هێزێکى ئاسایشى سلێمانییەوە دەستگیر دەکرێن، بەڕێوەبەرى ئەو ناحیەش دەڵێت، بە فەرمانى دادوەر دەستگیرکراون.

ئەمڕۆ سێشەممە (23/ئایار/2023) ئاسۆ مستەفا، بەڕێوەبەری ناحیەی تەقتەق بە رووداوى ڕاگەیاند، (18) هاووڵاتى دانیشتوى نایحەى تەقتەق لەلایەن ئاسایشى سلێمانییەوە دەستگیرکراون، بە تۆمەتى هەوڵدان بۆ کارى تیرۆریستى و تێوەگلانیان لە تیرۆر.

ئاسۆ مستەفا دووپاتى دەکاتەوە، سەرجەمى دەستگیرکراوەکان بەر فەرمانى دادوەر بووە وهەمووشیان کوردن و دانیشتووی ناوەندی ناحیەکەن.

هاوکات بەپێى زانیارییەکان، ئەو کەسانەى بە تۆمەتى تێوەگلان لە تیرۆر لە ناحیەى تەقتەق لەلایەن هێزێکى ئاسایشى سلێمانییەوە دەستگیرکراون، لە ڕۆژانى یەکشەممە و دووشەممەى ڕابردوو پرۆسەى دەستگیرکردنیان ئەنجام دراوە. 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین