پەیامێک لە مەسرور بارزانییەوە لەسەر دەستکاریکردنى پشکى کورد لە بودجەى عێراق کوردستان- عێراق
مەسرور بارزانی، سەرۆکى حکومەتى هەرێمی کوردستان، لە پەیامێکدا دەستکاریکردنى پشکى کورد لە بودجەى عێراق پشڕاست دەکاتەوە و دووپاتى دەکاتەوە ئەم هەنگاوە "پێشێلکاریین بەرامبەر بەو رێککەوتنەی پێشتر لەگەڵ سەرۆکوەزیران"ـى عێراق واژۆکراوە.

درەنگانى ئەمشەو (27/ئایار/2023) مەسرور بارزانى، سەرۆکى حکومەتى هەرێمى کوردستان لە تویتەر پەیامێکى بڵاوکردەوە و دەڵێت، "گرووپێکی لیژنەی دارایی پەرلەمانی عێراق، چەند گۆڕانکارییەکیان خستووەتە پرۆژەیاسای بودجەی فیدراڵی کە پێشێلکاریین بەرامبەر بەو رێککەوتنەی پێشتر لەگەڵ سەرۆکوەزیران محەممەد شیاع سوودانی کردوومانە."

مەسرور بارزانى، لە تویتەکەیدا لەبارەی دەستکاریکردنى ماددەکانی (13) و (14) بودجەی عێراق کە تایبەتن بە پشکی هەرێمی کوردستان پەیامێکی، ئاماژە بەوەدەکات، "ئەو رێککەوتنە بناخەیە بۆ هاوئاهەنگی هەولێر و بەغدا، دەبێت هەموولایەک رێزی لێ بگرن."

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین