ئەنجومەنی ئاسایش ئەركی یونامی لە عێراق درێژ دەكاتەوە عێراق ناوچەکە و جیهان

نوچه‌نێت

چاوەڕوان دەكرێت ئەمڕۆ ئەنجومەنی ئاسایشی نێودەوڵەتی كۆببێتەوە و كاری نێردەی نەتەوە یەكگرتووەكان لە عێراق "یونامی" بۆ ماوەی سالچێك درێژ بكاتەوە.

ئەمڕۆ سێشەممە 30ی ئایاری 2023 ئەنجومەنی ئاسایشی نێودەوڵەتی كۆدەبێتەوە، بۆ ئەوەی ماوەی كاركردنی یونامی لە عێراق بۆ ماوەی ساڵێكی تر درێژ بكاتەوە. نەتەوە یەكگرتووەكان بە فەرمی رایگەیاندووە، كاری ئەم نێردەیە تا 31ی ئایاری 2023 درێژ دەكرێتەوە.

چاوەڕوان دەكرێت ئەم بڕیارە لەلایەن تەواوی ئەندامانی ئەنجومەنی ئاسایشی نێودەوڵەتی پەسەند بكرێت. هەروەها ئاماژە بۆ ئەوەیش كراوە پڕۆژە بریارێك هەیە داوا لە سكرتێری گشتی نەتەوە یەكگرتووەكان دەكات پێچداچوونەوە بۆ ستراتیژییەتی یونامی بكات، بە راوێژكردن لەگەڵ حكومەتی عێراق لە ماوەیە نەگات بە 31ی ئاداری 2024 .

نێردەی نەتەوە یەكگرتووەكان بۆ هاوكاری عێراق "یونامی" نێردەیەكی سیاسی تایبەت لە ساڵی 2003 بە بڕیاری ژمارە 1500 ئەنجومەنی ئاسایشی نێودەوڵەتی لە سەر داوای حكومەتی عێراق دامەزراوە. بە بڕیاری 1770 ئەنجومەنی ئاسایش 2007 كاری نێردەكە فراوان كراوە.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین