مەزارەكانی شیعە دەوڵەتی سێبەرن و چەندان كۆمپانیا و پڕۆژەیان هەیە عێراق ناوچەکە و جیهان

نوچه‌نێت

راپۆرتێكی رۆژنامەوانی ئاشكرای دەكات سێ‌ دامەزراوەی گەورە بە ناوی مەزارەكانی شیعە لە عێراق كاردەكەن و بە سەدان پڕۆژە و بە هەزاران فەرمانبەرانیان هەیە. ئەمەیش لە بۆشایی كارەكانی حكومەت دروست بووە.

ئەمڕۆ یەكشەممە چواری حوزەیرانی 2023 رۆژنامەی عەرەبی جەدید بەداواداچوونێكی بڵاوكردووەتەوە و تێیدا ئاماژە بۆ سێ‌ دامەزراوەی سەرەكی دەكات، كە لە عێراق سەدان پڕۆژەیان لە بواری تەندروستی و رێگەوبان و خزمەتگوزارییەكانی تر هەیە. 

ئەوانیش سێ‌ دامەزراوەن بە ناوەكانی "عەتەبەی عەباسی" و "عەتەبەی حوسێنی" و "عەتەبەی عەلوەیی" كە یەكەمیان لەلایەن مەهدی كەربەلایی و دووەمیان لەلایەن ئەحمەد سافی بەڕێوەدەبرێن.

هەر چەندە سافی و كەربەلایی وەك دوو نوێنەری عەلی سیستانی مەرجەعی باڵای شیعەن لە عێراق، بەڵام دامەزراوەكانیان بە یاساییەك رێكخراوە لە ساڵی 2005 بە ناوی بەڕێوەبردنی شوێن و مەزارە پیرۆزەكانی شیعە لە عێراق دەرچووە. ئەوەی جێی سەرنج بێت راپۆرتەكە باس لەوە دەكات عەتەبەی عەباسی زیاتر لە 12 هەزار فەرمانبەر و حوسەینیش 18 هەزار فەرمانبەریان هەیە. سەرچاوەی داهاتی ئەو دامەزراوانەیش یان بودجەی گشتی عێراقە و یانیش ئەو پارانەن كە لەلایەن خەڵكەوە دەبەخشرێنە شوێنە پیرۆزەكان.

راپۆرتەكە دووپاتی دەكاتەوە لە ئەنجامی كەمتەرخەمی و كارا نەبوونی حكومەت ئەو دەزگایانە گەشەیان كردووە و كە وەك "دەوڵەتی هاوتەریب" كار دەكەن.
 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین