وەزارەتی پلاندانان: بێكاری لە عێراق زۆر لەوە زیاترە كە راپۆرتێكی نێودەوڵەتی دیاری كردووە کوردستان- عێراق

نوچه‌نێت

راپۆرتێكی نێودەوڵەتی رێژەی بێكاری لە عێراق بە 15.55% دیاری كردووە، گوتەبێژی وەزارەتی پلاندانانی عێراقیش دەڵێ، "بێكاری لە عێراق زۆر لەو رێژەیە زیاترە".

راپۆرتێك لەلایەن World of Statistics بڵاوكراوەتەوە، كە دەزگایەكە بایەخ بە ئابووری وڵاتان دەدات، تێیدا هاتووە رێژەی بێكاریی لە عێراق 15.55% یە، بۆیە عێراق لەسەر ئاستی وڵاتانی دنیا لەرووی بێكارییەوە لە پلەی سێیەم و لەسەر ئاستی وڵاتانی عەرەبی پلەی یەكەم.

عەبدولزەهرە هینداوی گوتەبێژی وەزارەتی پلاندانانی عێراق سەرنجی خۆی لەسەر راپۆرتەكە داوە و لە لێدوانێكی رۆژنامەوانی دەڵێ‌، "بێكاری زۆر لەوە زیاترە كە لە راپۆرتەكە هاتووە".

گوتەبێژی وەزارەتی پلاندانان روونی دەكاتەوە بەگوێرەی دوایین ئامار لە ساڵی 2022 رێژەی بێكاری لە عێراق 16.5% بووە. بەڵام ئێستا ئاماری نوێ نییە.
 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین