نەرمین مەعروف : پشكی هەرێمی كوردستان لە بودجەی عێراق لە 12% كەمترە کوردستان- عێراق

نوچه‌نێت

نەرمین مەعروف ئەندامی لیژنەی دارایی پەرلەمانی عێراق لەسەر لیستی یەكێتی نیشتیمانی دەڵێ‌، “پشكی هەرێمی كوردستان لە بودجەی گشتی عێراق 11% یە نەوەك 12.67%، هۆكارەكەی ئەمەیش روون دەكاتەوە”.

ئەمڕۆ پێنجشەممە 22ی حوزەیرانی 2023 نەرمین عوسمان لە كۆنگرەیەكی رۆژنامەوانی كە لە سلێمانی بەڕێوەچوو، گوتی، "سەرەڕای ئەوەی پشكی هەرێمی كوردستان لە بودجەی فیدراڵی 12.67%یە كەچی پشكی هەرێمی لە گەشەپێندانی هەرێمەكان 11% پێكدەهێنێ‌، ئەمەیش بەگوێرەی پێوەرەكانی گەشەپێدان و ژمارەی دانیشتووان و رێژەی هەژاری".

نەرمین مەعروف روونیشی دەكاتەوە، بەگوێرەی ئاماری وەزارەتی پلاندانانی فیدڕاڵی، پارێزگاكانی هەرێمی كوردستان بە بەراورد بە شارەكانی تری عێراق كەمتر هەژارن، بە تایبەتی سلێمانی. دواتریش ئەو پەرلەمانتارە دەڵێ‌، “12.67% لە كۆی گشتی بودجە كە 199 ترلیۆن دینارە دیاری ناكرێت، بەڵكو دوای كەمكردنەوەی خەرجی سیادی دەبێت كە ئەو كات دەگاتە 117 ترلیۆن دینار بۆیە پشكی هەرێمی كوردستان تەنیا 15ترلیۆن و 700 ملیار دەبێت و لە بودجەی حاكمەیش پشكی هەرێمی ترلیۆنێك و  300 ملیار دینار دەبێت”.

رۆژی 12ی ئەم مانگە لە پەرلەمانی عێراق بودجەی گشتی ساڵەكانی 2023 و 2024 و 2025 پەسندكرا و دوێنیش سەرۆك كۆماری عێراق واۆژی لەسەر كرد.
 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین