بۆ یەكەمجار ئێران ئۆتۆمبیلێكی نوێ هەناردەی عێراق دەكات کوردستان- عێراق

نوچه‌نێت

كۆمپانیای كرمان مۆتۆری ئێرانی ئاشكرای دەكات یەكەم باری ئۆتۆمبیلی جەی فۆری ناردووەتە عێراق، كە بەرهەمێكی نوێی ئەم كۆمپانیایەیە.

ئەمڕۆ یەكشەممە 25/حوزەیران/2023 ئاژانسی میهری ئێرانی ئاشكرای كردووە، كۆمپانیای كرمان مۆتر كە بنكەی سەرەكی لە پارێزگای كرمانی ئێرانە، هەفتەی رابردوو یەكەم باری ئۆتۆمبیلی ناردۆتە عێراق و بڕیارە هێشتا ئۆتۆمبیلی تر بنێرێت.

سامان فەیرۆزی بەڕێوەبەری جێبەجێكاری كۆمپانیای (كرمان مۆتۆر) بە ئاژانسە ئێرانییەكەی راگەیاندووە، جگەلە عێراق بەم نزیكانە چوار هەزار ئۆتۆمبیلی تر هەناردەی دەرەوە دەكەن، دەتوانن  بۆ رووسیا و ئەندامانی رایەڵەی وڵاتانی سەربەخۆ و باكووری ئەفریقیا بکەن.

لە هەواڵەكەی ئاژانسی میهر ئەمە روونكراوەتەوە، ئۆتۆمبیلی J 4 بەرهەمی ئێرانییە و 70% بەشەكانی لە  ئێران دروست دەكرێت. عێراق بە گەورەترین بازاڕ دادەنرێت بۆ كەلوپەلی ئێرانی و پێشتریش چەند جۆرێكی تری ئۆتۆمبیلی ئێرانی لە عێراق فرۆشراوە.
 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین