"سووكەڵەیی لە تاقەت بەدەری بوون"... میلان كۆندیرا كۆچی دوایی كرد
نوچه‌نێت
گالیمار لە راگەیێندراوێكدا روونی كردووەتەوە نووسەری "شۆخی" كە لە ساڵی 1965 بڵاوكراوەتەوە و لەگەڵ رۆمانی "سووكەڵەیی لە تاقەت بەدەربوون" كە لە ساڵی 1984 بڵاوكراوەتەوە، ئێوارەی دوێنێ سێشەممە 11ی تەمووزی 2023 كۆچی دوایی كرد.
كۆندێرا 40 ساڵ لە رەگەزنامەی وڵاتی خۆی بێبەش كرا
لە لێدوانێكی بۆ ئاژانسی فڕانس پرێس ئانا مرازۆڤا گوتەبێژی كتێبخانەی میلان كۆندێرا لە شاری برنۆی چیكی كە زێدی لەدایكبوونی كۆندێرایە دەڵێ، "بەداخەوە، دەتوانم بۆتان دووپاتی بكەمەوە كە میلان كۆندێرا دوێنێ سێشەممە دوای مەینەتییەكی زۆر لەگەڵ نەخۆشی كۆچی دوایی كرد".
ماڵپەڕی یۆرۆنیوز ئەمڕۆ لە راپۆرتێكدا لەبارەی كۆندێرا دەڵێ، “كۆندێرا لە كتێبەكانی بە گاڵتەجارییەوە باسی لە حاڵەتی مرۆڤ كردووە و هەروەها یەكێك بووە لەو نووسەرە دەگمەنانەی كە هێشتا لە ژیان دا بووە، لە ساڵی 2011 لە گرووپی بەرزی لاپلیاد La Pleiade دانراوە”.
كۆندێرا كە لە چیك لەدایكبووە، لە رەگەزنامەی ئەو وڵاتە بێبەش كرابوو، دوای 40 ساڵ ئەو رەگەزنامەیەی پێدرایەوە، بەڵام لە ساڵی 1981 وە رەگەزنامەی فەڕەنسی هەڵدەگرێت و یەكێكە لەو رۆماننووسانەی كە لە بە زمانی فەڕەنسی گەورەترین كاریگەری لەسەر جیهان داناوە.
ئەو كاتەی كۆندێرا هێشتا لە چیك بوو، دوو رۆمانی بڵاوكردووەتەوە یەكەمیان بەناوی "شۆخی- نوكتەبازی" كە لە لایەن شاعیری فەڕەنسی ئەراگۆن ستایش كراوە و دووەمیانیش"دڵداری خۆش" كە لەساڵی 1968 بڵاوكراوەتەوە، ئەم دوو رۆمانە رۆژمێرێكی تاڵە بۆ وەهمی سیاسی نەوەی راپەڕینی پراگ كە لە ساڵی 1948 وایكرد شیوعییەكان بگەن بە دەسەڵات.
ئەمەش وایكرد كۆندرێرا دوای رووداوەكەی پراگ لە وڵاتەكەی بێزراو بێت و بۆیە لە ساڵی 1975 لەگەڵ هاوسەرەكەی ڤێرا كە ئەو كات ئەستێرەی پێشكەشكردنی پرۆگرامەكان بوو لە تەلەڤزیۆنی چیكی بەرەو فەڕەنسا كۆچ بكەن. دوای وەرگرتنی رەگەزنامەی فەڕەنسی كۆندێرا دەستی بەوە كرد بە زمنای مۆلێیر بنووسێ، ئەمەیش وەك گوزارشتێك بۆ دابڕانی لە زێدی خۆی كە لە ساڵی 1979 رەگەزنامەكەی لێ وەرگرتەوە و دواتر لە ساڵی 2019 پێی بەخشییەوە.
كۆندێرا خۆی لە لێدوانە رۆژنامەوانییەكان بەدوور گرت بوو، حەزی دەكرد راگەیاندن تەنیا باسی نووسینەكانی بكات، لەگەڵ ڤێرای هاوسەرەی لە پاریس دوو لە دەركەوتن دەژیان، چەندان جاری تر لە تۆڕە كۆمەڵایەتییەكان هەواڵی ساختە لەبارەی مردنی كۆندێرا بڵاوكراوەتەوە، بەڵام ئەم جارە دووپات كرایەوە.
میلان كۆندێرا لە ساڵی 1929 لە دایكبووە و ئەو نووسەرە دەمێكە لەلایەن خوێنەرانی كوردەوە ناسراوە، دوو رۆمانی بە ناوەكانی "سووكەڵەیی لە تاقەتی بەدەر بوون" و "نەمریی" پێشتر لەلایەن عەتا نەهایی وەرگێڕی كورد بەزمانی كوردی بڵاوكراونەتەوە و جیا لە چەند كاری تر بە زمانی كوردی بڵاوكراونەتەوە وەک رۆمانی “خاتوون” “کلیلداران” “هێوریی” “ئاهەنگی ماڵئاوایی”.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment