Nuce Logo

لە شەوی (15)ی تەمووزی (2016) هەوڵێكی كودەتای سەربازی لە توركیا دەستی پێكرد، لە ناكاو رەجەب تەیب ئەردۆغان سەرۆك كۆماری توركیا لە كەناڵی (سی ئێن ئێن) تورك دەركەوت، داوای لە هاووڵاتیان كرد رووبەڕووی كودەتاچییەكان ببنەوە و بڕژێنە گۆڕەپان و شەقامە گشتییە، ئەوە بووە لە ماوەیەكی كەم هەزاران كەس بەدەم بانگەوازەكەی ئەردۆغان، هاندا فوڕات، ژنە راگەیاندكاری تورك دوای حەوت ساڵ باس لەو پەیوەندییە تە لەفۆنییە دەكات، لەگەڵ سەرۆك كۆماری توركیا.

ئەو پەیوەندییە تەلەفۆنیییە بووە خاڵی گۆڕانكاری و دابەزینی هەزاران هاووڵاتی تورك بۆ بەرەنگاربوونەوەی كودەتاچییەكان و بەرگریكردن لە دیموكراسی رژانە سەر شەقامەكان.

رۆژنامەی (شەرقی) قەتەری لە دیمانەیەكی لەگەڵ هاندا كردووە، هاندا لەو دیمانەیە دەڵێت، حەسەن دۆغان، سەرۆكی دیوانی ئەوكاتەی سەرۆكایەتی پردی پەیوەندی نێوان من و رەجەب تەیب ئەردۆغان بوو، كە ئەو شەوە دووشەممە بوو ئەوان لە شاری مەرمەریس بوون.

ئەو راگەیاندكارە دەڵێت، “دۆخەكە وابوو لە سەلامەتی ئەردۆغان و خێزانەكەی دڵنیا نەبووین، ئەوەش دوای ئەوە هات كە لە تۆڕە كۆمەڵایەتییەكان باس لە هەڵاتن و رفاندن و كوشتنی ئەردۆغان دەكرا.ـ" ئەوەش دەبێتە هاندەر پیشنیاری پەیوەندی راستەوخۆ بۆ ئەردۆغان بكرێت، هاندا سووریش دەبێت لەسەر ئەو پەیوەندییە.

ئەو ژنە رۆژنامەنووسە دەڵێت، دۆغان ئەو كاتە زانی هەوڵێك هەیە بۆ ئەوەی وتاری ئەردۆغان نەگاتە گەلی توركیا، دۆغان ئەو كاتە وەڵامی داواكەی هاندا دەداتەوە پێویستە سەرەتا لەگەڵ ئەردۆغان لەسەر ئەو پەیەوەندییە تەلەفۆنیە گفتوگۆ بكات.

هاندا ئاماژە بەوە دەكات، دەبوو چاوەڕوانی هەڵوێستی ئەردۆغان لەسەر ئەو پەیوەندییە تەلەفۆنییە بكەین، پێش زانینی هەڵوێستی ئەردۆغان، خولەكەكانی چاوەڕوانی وەك ساڵ تێدەپەڕی.

گەیاندنی دەنگی ئەردۆغان

هاندا ئاماژە بەوە دەكات، بە ئەردۆغانم گوت، دەبێت پەیوەندییەكە پەیوەدیی ڤیدیۆی بێت، ئەویش پرسیاری كرد، ئایا سكایپ هەیە؟ پێمگوت، نەخێر لە رێگەی FaceTime.بۆیە سووربووم لەسەر دەنگ و رەنگ، چونكە دەمزانی وێنەی سەرۆك و راگەیێندراوەی گرنگە، ئێمە لە شەوێكی پڕ ترس بووین، بەتایبەت لەو چركە ساتە، دوای ئەوەی رەزامەندیان لەسەر ئەو پەیوەندییە دەربڕی لە شاشە حەسەن دۆغان دەركەوت و ئەردۆغانیش لە پشتییەوە بوو.

هاندا لە بەشێكی تری قسەكانی دەڵێت، ئەو چركە ساتە زۆر بەخێرایی بیرمكردەوە، مایكرۆفۆنی پەخشم راستەوخۆ خستە بەردەم مۆبایلەكەم بۆ ئەوەی دەنگی ئەردۆغان بە روونی بگاتە جەماوەر، ئەوكاتە رووماڵەكە لە ئیستەنبۆڵ بەردەوام بێت، هاوار دەستی پێ كردبوو، كە پێویستە ئیستەنبۆڵ پەخشەكەی رابگرێت، بەڵام ئێمە پەخشەكەمان گواستەوە، گوتمان لێگەڕێن با لە رێگەی ئێمەوە بەردەوام بێت. 

ئەو رۆژنامەنووسە توركە ئاماژە بەوەش دەكات، هەموو هاوكارەكانی زۆر بەخێرایی دەستیان بە كاركردن كرد، پەیوەندیان بە ئیستەنبۆڵەوە كرد بۆ ئەوەی بڵێن پەخشەكەی هاندا بڵاوكەنەوە، لەو سەروبەندە پەخشەكەمان لە رێگەی چەسپاندنی مۆبایل لەبەردەم كامێرا و بەكارهێنانی مایكرۆفۆنی ستۆدیۆی راستەوخۆ دەست پێكرد.

داواكاری و بەدەمەوە هاتن

لەو كاتەدا هاوڕێكانی هاندا ئاگاداری دەكەنەوە كەناڵەكانی جیهان گفتوگۆ راستەوخۆكەت لەگەڵ سەرۆك كۆماری توركیا دەگوازنەوە.ئەو ژنە رۆژنامەنووسە دەڵیت، بەهۆی بەمەدەوە هاتنی خەڵك بەدەم داواكەی ئەردۆغان حكومەت جڵەوی كاروبارەكانی گرتەوە دەست. 

لەو پەیوەندییە تەلەفۆنیە ئەردۆغان گوتی، دەمەوێت هەموو ئەوانەی بڕوایان بە دیموكراسی هەیە برژێنە سەر شەقامەكان، منیش هەندێكی تر دادەبەزم، لە رێگە هێزە ئەمنییەكانەوە زۆر بە توندی وەڵامیان دەدەینەوە، دەڵێمە سوپاش، هەموو ئەفسەر و سەربازێك، پێویستە رێزی شەرعیەت بكرێت و هاوكاری ئەو خیانەتكارانە نەكەن.

ئەردۆغان لە بەشێكی تری قسەكانی جەختی لەسەر ئەوە كردەوە، هانی خەڵك دەدەم لە گۆڕەپان و فڕۆكەخانەكان كۆبێتەوە، لێمانگەڕێن دەبینین كێ توانای بەرەنگاربوونەوەی هێزی جەماوەری هەیە، هیچ شتێك لە خواستی گەل بەهێزتر نییە، من بڕوای تەواوم هەیە ئێمە توانای مامەڵەكردنمان لەگەڵ ئەو جاڕسكردنە هەیە.

مۆبایلی ئازادیی

هاندا باسی دۆخی دوای تەواوبوونی گفتوگۆكەی لەگەڵ ئەردۆغان دەكات و دەڵیت، لەدوای تەواوبوونی پەیوەندییە تەلەفۆنییەكە بەسەركەوتوویی، نیوەڕۆی دواتر چوومە سەر كۆمپیتەری تایبەتیم، دەبین سەدان نامەی پیرۆزباییم لە هەموو جیهان بۆ هاتووە، بەڵام زۆرینەیان لە جیهانی عەرەبی بوو، ناوی ئەو مۆبایلەشیان نا مۆبایلی ئازادیی.

ئەو رۆژنامە توركە دەڵێت، بزنسمانێكی سعوودیی و رۆژنامەنووسێك، بزنسمتنكی تر لە بەرانبەر ئەو پێدانی ئەو مۆبایلە (250) هەزار دۆلاریان پێدام، پاشان هەندێك خەڵكی تر پارەیان زیاد كرد، لەدوای تەواوبوونی ئەو پەیوەندییە تەلەفۆنیە، بزانسمانێكی تورك پەیوەندی پێوەكردم، پێی گوتم هاندا ئەو ئەو تەلەفۆنە بە كەسانی تر نەفرۆشیت، چونكە ئێمە دەیكڕین نرخەكەی دەخەمڵێنین، بەڵام ئەو رۆژنامەنووسە هەموو ئەو شتانەی رەت كردەوە، هەر گوتمە، ئەو مۆبایلە بۆ فرۆشتن نییە، جارێكی تریش دەڵێم ئەو مۆبایلە بۆ فرۆشتن نییە، بەهای ئەو مۆبایلە مادی نییە، بەڵكوو مەعنەوییە.

سەرچاوە: خەلیج جەجدید