مەسرور بارزانى: ئەو دەستە ئاشکرا دەکەین محەمەد میرزا یونسى شەهید کرد کوردستانی

نوچەنێت:

سەرۆکى حکومەتى هەرێمى کوردستان لە بارەى تەقینەوەى ئۆتۆمبێلى ئەفسەرێکى خانەنیشکراو لە زاخۆ پەیامێکى بڵاوکردەوە و دەڵێت، "دامودەزگا پەیوەندیدارەکانم ڕاسپاردووە  لێکۆڵینەوەیەکی ورد لەم ڕووداوە بکەن و ئەو دەستانە ئاشکرا بکەن کە لە پشت ئەم تاوانەوەن."

ئەمڕۆ دووشەممە (24/تەمموز/2023) لە بارەى شەهیدبوونى عەمیدی خانەنشین "محەمەد میرزا یونس سۆفی" لە ئەنجوومەنى ئاسایشى کوردستان پەیامێکى سەرەخۆشى ئاراستەى بنەماڵە و هاوڕێیانى دەکات و دەڵێت، دامودەزگاکانم ڕاسپاردووە لێکۆڵێنەوە لە ڕووداوەکە بکەن.

 دەقی پرسەنامەی سەرۆکی حکومەتی هەرێمی کوردستان:

شەوی ڕابردوو و لە کردەوەیەکی گووماناویدا، ئۆتۆمبێلی عەمیدی خانەنشین "محەمەد میرزا یونس سۆفی" لە ناو شاری زاخۆ تەقییەوە و بەمەش ئەم ئەفسەرە ماندوونەناسەی ئەنجوومەنی ئاسایشی هەرێمی کوردستان شەهید بوو.

بەم بۆنەوە پرسە و سەرەخۆشیی خۆم ئاراستەی ماڵبات و کەسوکار و هەڤاڵانی شەهید دەکەم و لە خوای گەورە خوازیارم جێگەی بەهەشتی بەرین بێت و سەبووریش بە کەسوکاری ببەخشێت.

لەم بارەوەش دامودەزگا پەیوەندیدارەکانم ڕاسپاردووە  لێکۆڵینەوەیەکی ورد لەم ڕووداوە بکەن و ئەو دەستانە ئاشکرا بکەن کە لە پشت ئەم تاوانەوەن.

مەسرور بارزانی

سەرۆکی حکومەتی هەرێمی کوردستان

24/7/2023

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین