بێ راگەیاندنی فەرمی سەدر بۆ پرۆسەی سیاسی گەڕاوەتەوە
نوچه‌نێت
ئەمڕۆ پێنجشەممە 27ی تەمووزی 2023 ماڵپەڕی عەرەبی 21 راپۆرتێكی بڵاوكردووەتەوە، تێیدا چاودێرانی سیاسی دووپاتیان لەسەر ئەوە كردووەتەوە، ئێستا رەوتی سەدر و موقتەدا سەدری رێبەری رەوتەكە لە گۆڕەپانی سیاسیین و بە كردار گەڕاونەتەوە ناو پرۆسەكە.
راپۆرتەكە باس لەوە دەكات لە ماوەی دوو مانگی رابردوودا رەوتی سەدر كۆمەڵێك چالاكی كردووە وفشاری سیاسییان دروست كردووە، لەوانە هەڵیانكوتایە سەر باڵیۆزخانەی سوید و دانیمارك بە بیانووی بەرپەرچدانەوەی سووتاندنی قورئان، لەلایەكی تر هێرشیان كردە سەر بارەگاكانی حزبی دەعوەی ئیسلامی كە نووری مالیكی سەرۆكایەتی دەكات و لە رابردوویشدا نەیاری رەوتی سەدر بوون.
جیا لەمانە موقتەدا سەدر بەردەوام لەم دوو مانگەدا پەیامی سیاسی هەیە هەموو ئەمانە وا دەكەن چاودێرانی سیاسی بڵێن رەوتی سەدر بە كردار گەڕاوەتەوە ناو پرۆسەی سیاسی، فازڵ بەدرانی چاودێری سیاسی دەڵێ، "رەوتی سەدر بە شێوەیەكی كاتی لە سیاسەت دووركەوتەوە، بەشداری لە حكومەت نەكرد، ئەمە پێدانی دەرفەتێك بوو بە هێزە سیاسیەكانی هاوپەیمانی بەڕێوەبەردنی دەوڵەت، بەڵام ئەو رەوتە نایەوێ زۆر لە گۆڕەپانی سیاسی دوور بكەوێتەوە".
بەدرانی دەشڵێ، "هەموو ئەو چالاكییانەی لە ماوەی رابردوو رەوتەكە نواندی، دووپاتی دەكاتەوە كە لە پرۆسەی سیاسی ئاماندەیە". نەوال موسەوی كە چاودێرێكی تری سیاسییە بۆ ماڵپەڕی عەرەبی 21 دەڵێ، "ئەو دەرفەتە كۆتایی هات كە سەدر بە حكومەتی دابوو".
لە حوزەیرانی رابردوو رەوتی سەدر كە 71 پەرلەمانتاری هەبوو لە پەرلەمانی عێراق كشایەوە و دوو مانگ دواتر موقتەدا سەدر دووركەوتنەوەی خۆی لە سیاسەت راگەیاند. بڕیارە لە مانگی كانوونی یەكەمی ئەمساڵ هەڵبژاردنی ئەنجومەنی پارێزگاكانی عێراق بكرێت و رەوتی سەدر تێیدا بەشدار بێت.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment