سه‌رۆك وه‌زیرانى كۆریاى باشوور سه‌ردانى ئێران ده‌كات
نوچه‌نێت
سەعید خەتیب زادە گوتەبێژی وەزارەتی دەرەوەی ئێران، وێرای پشتڕاستکردنەوەی هەواڵی سەردانى چونگ سیه-کیون، سەرۆک وەزیرانی کۆریای باشوور بۆ تاران، وتی چاوەڕوانین سەرۆکی کۆریا باس لە "ڕێگا چارە کردەییەکان" بە مەبەستی ڕادەستکردنەوەی پارەکانمان بکات.
ئەوە لە حاڵێکدایە کە میدیاکانی کۆریا ڕایانگەیاندووە ئامانجی سەرۆکی وڵاتەکەیان لەو سەردانه، گفتوگۆکردن سەبارەت بە ئازادکردنی کەشتییە نەوتهەڵگرەکەیە کە پێشتر ئێران دەستی بەسەردا گرتووە.
رۆژنامه‌ى "ئیندپێندێنت" ئەمڕۆ سێشەممه شەشی نیسان لە هەواڵێکدا بڵاوی کردووەتەوە کە میدیاکانی کۆریای باشوور لە ڕۆژانی ڕابردوودا ئاشکرایان کردبوو کە چونگ سیه- کون سەرۆکی وڵاتەکەیان هەفتەی داهاتوو سه‌ردانى ئێران و وڵاتانی ناوچەكه دەکات.
گوتەبێژی وەزارەتی دەرەوەی ئێران ڕۆژی دووشەممه، پێنجی نیسان، لە کۆنفڕانسێکی ڕۆژنامەوانی سەبارەت بەو سه‌ردانه ڕایگەیاند، " کۆریای باشوور داوای ئەو سه‌ردانه‌ى کردووه و ئێمەش پێشوازیمان لێ کردووە، بەڵام وردەکارییەکان و کاتی ئەو سه‌ردانه یەکلا نەبوونەتەوە.
خەتیب زادە وتیشی، "چاوەڕوانین لەو دیدارەدا پرسی پارە و دارایییەکانی ئێران کە لە کۆریای باشوور دەستیان بەسەردا گیراوە باسیان لەسەر بکرێت. لە ڕاستیدا ئەو پرسە کاریگەری نەرێنی لەسەر پەیوەندییەکانمان داناوە".
بەڵام میدیاکانی کۆریا باس لەوە دەکەن سەردانی سەرۆکی وڵاتەکەیان بۆ تاران بە مەبەستی گفتوگۆ لەگەڵ بەرپرسانی ئەو وڵاتە سەبارەت بە ئازادکردنی ئەو نەوتهەڵگرەیە کە زیاتر لە سێ مانگ پێش سوپای ئێران دەستی بەسەردا گرت.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment