ئەنجوومەنی نوێنەرانی ئەمریکا یاسای مەهسا پەسەند دەکات
نوچەنێت:
ڕۆژی سێشەممە (13/ئەیلوول/2023) بی بی سی فارسی لە راپۆرتێکدا بڵاویکردەوە، ئەنجوومەنی نوێنەرانی ئەمریکا "یاسای مەهسا" (ژینا)ی بە دەنگی 410 بەڵێ لە بەرامبەر سێ دەنگی نەخێر پەسەند کرد و ئەم پرۆژە یاسایە داوا لە حکومەتی ئەمریکا دەکات، کە عەلی خامنەیی رێبەری ئێران و ئیبراهیم رەئیسی سەرۆک کۆماری ئێران، بە تاوانی پێشێلکردنی مافەکانی مرۆڤ و تێکدانی سەقامگیری وڵاتانی ناوچەکە سزا بدات.
هەروەها داوای سزادانی دامەزراوەی رێبەری، دامەزراوەی سەرۆککۆماری، بەرپرسانی دیاریکراوی رێبەری ئێران و تۆڕی دامەزراوە و کۆمپانیاکانی ژێر دەسەڵاتی رێبەری ئێران دەکات.
گۆڕینی ئەم بڕیارنامەیە بۆ یاسا پێویستی بە کردەوەی هاوشێوە هەیە لە ئەنجومەنی سەنا (پیران)، دوای ئەوە دەبێت لەلایەن جۆ بایدن، سەرۆکی ئەمریکاوە واژۆ بکرێت.
لە ئەگەری پەسەندکردنی کۆتایی یاسای مەهسا، جۆ بایدن دەبێت لە ماوەی ٩٠ رۆژدا وەڵامی کۆنگرێسی ئەمریکا بداتەوە و هەموو ساڵێک هۆکاری درێژکردنەوە یان نوێنەکردنەوەی ئەو سزایانە بۆ نوێنەرانی کۆنگرێس روون بکاتەوە.
بەشی یەکەمی ئەم بڕیارنامەیە بەرهەمهێنان و هەناردەکردنی موشەک و درۆن لەلایەن ئێرانەوە لەڕێگەی سزادانی ئەو کەسانەی بەشدارن لەو بەرنامانە دەکاتە ئامانج و بەشی دووەمیش سزا بەسەر بەرپرسانی باڵای حکومەتدا دەسەپێنێت، بەهۆی "پێشێلکردنی مافەکانی مرۆڤ و پشتیوانیکردن لە تیرۆر". بەشێکی دیکەی ئەم بڕیارنامەیە سەرکوتی کەمینەی بەهاییەکان لە ئێران سەرکۆنە دەکات.
مایکل مەکاڵ، سەرۆکی لێژنەی پەیوەندییەکانی دەرەوەی پارتی کۆماریخواز بە ئاماژە بە کوشتنی مەهسا ئەمینی، رایگەیاند: "ئێران پێشێلکارییەکی دڕندانەی مافی مرۆڤی ئەنجامداوە. ئەم دەسەڵاتە ئۆپۆزسیۆن بێدەنگ دەکات و راستییەکان سەرکوت دەکات و ئەوانەی دەوێرن دژایەتی بکەن، دەرئەنجامە سەختەکانی لەوانە مردن، خۆیان دەخەنە مەترسییەوە.
ئاماژەی بەوەشکرد، کۆمەڵگەی نێودەوڵەتی لە راگرتنی"چەوسێنەرانی گەلی ئێران" سەرکەوتوو نەبووە ناچاریان بکات کۆتایی بەو پێشێلکارییانە بهێنن، بەمەش گەلی ئێران بێ هیوا کردووە.
ئەم یاسایە لە سەروبەندی گیانلەدەستدانی مەهسا ئەمینی هاوڵاتییەکی تەمەن 22 ساڵانی کوردی ئێران لە کاتی دەستبەسەرکردنی لەلایەن دەوریەی ئیرشادەوە دەرچووە.
سەرچاوە: بی بی سی
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment