هەولێر و بەغدا بە چەند رێككەوتنێك دەگەن عێراق ناوچەکە و جیهان

نوچه‌نێت

توركی عەتەبی سەركردە لە چوارچێوەی هاوئاهەنگی شیعە ئاشكرای دەكات، سەردانەكەی مەسرور بارزانی سەرۆكی حكومەتی هەرێم بۆ بەغدا دوو هەفتەیە بەرنامەی بۆ دانراوە و دوووپاتیشی دەكاتەوە مەسرور بارزانی و محەمەد شیاع سوودانی سەرۆك وەزیرانی عێراق بە چەند رێككەوتنێك دەگەن.

ئەمڕۆ پێنجشەممە 14ی ئەیلوولی 2023 توركی عەتەبی لێدوانی بۆ ماڵپەڕی بەغداد تودەی داوە و باس لەوە دەكات، ئامانجی سەردانەكەی مەسرور بارزانی و شاندی یاوەری بۆ بەغدا بۆ پێنج دۆسیەیە كە پەیوەندییان بە مووچە و نەوت و دەروازە سنوورییەكان هەیە. ئەو بەرپرسەی شیعە باس لەوەش دەكات كە دوو هەفتەیە بەرنامە بۆ ئەم سەردانەی مەسرور بارزانی دانراوە.

لە هەمان لێدوان ئەم بەپرسەی شیعە بە ئەرێنی سەیری گفتوگۆكان دەكات و پێشبینی دەكات هەر ئەمڕۆ هەرێم و بەغدا بە چەند رێككەوتنێك بگەن. بەیانی ئەمرۆ مەسرور بارزانی بە یاوەری قوباد تاڵەبانی جێگری سەرۆكی ئەنجومەنی وەزیرانی هەرێم و ئاوات شێخ جەناب وەزیری دارایی هەرێم و ئامانج رەحیم سكرتێری ئەنجومەنی وەزیران و ئومێد سەباح سەرۆكی دیوانی ئەنجومەنی وەزیران گەیشنە بەغدا و لە یەكەم وێستگەیاندا دیداری محەمەد شیاع سوودانیان كرد.

مەسرور بارزانی پەیامێكی بڵاوكردووەتەوە و تێیدا دەڵێ‌، "من ئەمڕۆ لە بەغدام بۆ ئەنجامدانی گفتوگۆ لەگەڵ بەڕێز سەرۆك وەزیرانی فیدڕاڵی و سەرۆك كۆمار و سەرۆك پەرلەمان و هەندێك لە رێبەرانی لایەنە سیاسییەكان بۆ دووپاتكردنەوە لەسەر زامنكردنی پاراستنی مافە دەستوورییەكانی هاووڵاتیانی هەرێمی كوردستان، بەو ئومێدەی چارەسەری بۆ كێشە هەڵپەسێردراوەكان بدۆزینەوە".
 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین