عێراق دەیەوێ‌ رێككەوتنی ئێران كۆپی بكاتەوە و پەكەكە لە سنوور دووربخاتەوە عێراق ناوچەکە و جیهان

نوچه‌نێت

رۆژنامەی عەرەبی جەدید ئاشكرای دەكات بەرپرسانی عێراق لە ئەنقەرە هەوڵی دووبارەكردنەوەی رێككەوتنی ئەمنییەكەیان لەگەڵ ئێران دەدەن و دەیانەوێ‌ توركیا بەوە رازی بكەن هێرشەكان كەم بكاتەوە و پەكەكەش لە سنوورەكان دوور بخرێتەوە.

شەوی رابردوو هەشتی تشرینی یەكەمی 2023 رۆژنامەی عەرەبی جەدید لە ماڵپەڕی خۆی راپۆرتێكی بڵاوكردووەتەوە و باس لە سەردانی خەمیس خەنجەر سەرۆكی هاوپەیمانی سیادەی سوننە و فالح فەیاز سەرۆكی دەستەی سەرۆكایەتی میلیشیای حەشدی شەعبی بۆ توركیا دەكات، كە لەوێ‌ لەگەڵ هاكان فیدان وەزیری دەرەوەی توركیا كۆبوونەتەوە.

رۆژنامەكە لە سەرچاوەیەكەوە ئاشكرای كردووە، عێراق دەیەوێ‌ هەمان ئەزموونی رێككەوتنی ئەمنی ئێران لەگەڵ توركیا دووبارە بكاتەوە، بۆیە فالح فەیاز بۆ ئەمە كۆشش دەكات، چونكە لایەنەكانی حەشدی شەعبی پەیوەندییان لەگەڵ پەكەكە هەیە و دەیانەوێ‌ مەترسییەكان لەسەر سنوورەكان دوور بخەنەوە و لە بەرانبەریشدا توركیا سنوورێك بۆ هێرشەكانی دابنێ‌.

لە 19ی مانگی رابردوو رێككەوتنی عێراق و ئێران بۆ حزبە رۆژهەڵاتییەكان جێبەجێ كرا، بەگوێرەی رێككەوتنەكە دەبێت حزبەكانی رۆژهەڵات لە سنوورەكانی ئێران دووربخرێنەوە  و بارەگە چەكدارییەكانیان دابخەن.


 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین