ئێران: کڕینی فڕۆکە و کۆپتەری شەڕکەری رووسی کۆتایی پێهاتووە ئێران

نوچەنێت:

جێگری وەزیری بەرگری ئێران رایدەگەیەنێت، کڕینی فڕۆکەی جەنگی سوخۆی 35 رووسی و کۆپتەری میل 28 رووسی کۆتایی پێهاتووە.

لە رۆژی سێشەممە (28/ تەشرینی دووەم/ 2023) بی بی سی فارسی لە هەواڵێکدا بڵاویکردەوە، مێهدی فەرحی، جێگری وەزیری بەرگری ئێران لە وتووێژێکدا لەگەڵ تەسنیم رایگەیاندووە، کە "هاتنی هەلیکۆپتەری هێرشبەری میل-28، فڕۆکەی سوخۆی 35 و فڕۆکەی مەشقی یاک-130 بۆ هێزە چەکدارەکان پشتڕاستکردەوە.

فەرحی ئەوەشی روونکردۆتەوە، کە کڕینی ئەم پێداویستییە سەربازیانە "بڕیاری لێدراوە و پرۆسەکەی لە جێبەجێکردندایە.

بەگوێرەی ئەم میدیایە، "2 فڕۆکەی یاک-130  لە چەند مانگی رابردوو رادەستی هێزی ئاسمانی ئێران کراون.

گەمارۆی چەک لە لایەن ئەنجومەنی ئاسایشی نەتەوە یەکگرتووەکان بۆ سەر ئێران لە نیوەی شەوی 27 تشرینی یەکەمی 2023 دوای 13 ساڵ کۆتایی هات و بەو پێیە ئێران دەتوانێت چەکی ئاسایی لە وڵاتانی دیکە بکڕێت.

سەرچاوە: بی بی سی

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین