وەزارەتى کارەبا روونکردەوەیەکى لەبارەى کوژانەوەى کارەباى سەرتاسەرى بڵاوکردەوە کوردستانی

نوچه‌ نێت

 وەزارەتی کارەبای هەرێمی کوردستان لەبارەی کوژانەوەی سەرتاسەریی کارەباوە روونکردنەوەیەکی بڵاوکردەوە و دەڵێت، بەهۆی گرفتێکی تەکنیکییەوە، کوژانەوەی گشتی لە سیستمی کارەبای هەرێمی کوردستان روویدا.

ئەمڕۆ هەینى (یەک/کانوونى دووەم/2023) وەزارەتى کارەبا راگەیێندراوێکى بڵاوکردەوە و  تێیدا هاتووە "تیمەكانی وەزارەتی كارەبا سەرقاڵی چارەسەرکردنی کێشەکە و گەڕانەوەی كارەبای گشتین و بەم زووانە کێشەی کوژانەوەی گشتی چارەسەر دەکرێت." 

 لە بەشێکى دیکەى راگەیێندراوەکەى وەزارەتى کارەبا هاتووە، "ئێوارەی رۆژی پێنجشەممە، بەهۆی گرفتێكی تەكنیكییەوە، تەواوی یەكەكانی بەرهەمهێنانی كارەبای هەرێمی کوردستان كوژانەوە.

وەزارەتى کارەباى حکومەتى هەرێم جەخت لەسەر ئەوە دەکاتەوە، "تیمەکانی وەزارەتی كارەبا دەمودەست کێشەکەیان چارەسەر كرد، بەڵام کاژێر (1:00)ی شەو بۆ جاری دووەم كوژانەوەی گشتی روویدا و ئێستا تیمەكانی کارەبای هەرێم سەرقاڵی ئاساییكردنەوەی دۆخی سیستەمی كارەبای هەرێمی كوردستانن و بەم نزیكانە چارەسەر دەکرێت." 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین