کۆمسیۆنى باڵاى هەڵبژاردنەکان داوایەک لە سەرۆکایەتيى هەرێم دەکات عێراق ناوچەکە و جیهان

نوچه‌ نێت

عیماد جەمیل، سەرۆکى تیمى راگەیاندى کۆمسیۆنى باڵاى سەربەخۆى هەڵبژاردنەکانى عێراق رایگەیاند، کۆمسیۆن بە فەرمى داوایەکى ئاراستەى سەرۆکى هەرێمى کوردستان کردووە بۆ دواخستنى وادەى هەڵبژاردنەکان.

ئەمڕۆ یەکشەممە (حەوتى کانوونى دووەم/2024) ماڵپەڕى (واع) بڵاوى کردەوە، عیماد جەمیل رایگەیاند، داوامان لە سەرۆکایەتى هەرێمى کوردستان وادەى هەڵبژاردنى پەرلەمانى کوردستان دوابخات، چونکە کۆمسیۆن ناتوانێت لەو ماوەى دیارى کراوە، هەڵبژاردن بەڕێوە ببات.

سەرۆکى تیمى راگەیاندنى کۆمسیۆن ئاماژەى بەوەش کرد، چاوەڕوانى بڕیارى دادگاین، کە وا بڕیارە لە (21)ى ئەم مانگە دەربچێت، تاوەکوو بتوانین لە کاتێکى دیکە هەڵبژاردنەکان بەڕیوە ببەین.

بەگوێرەى قسەکانى ئەو بەرپرسەى کۆمسیۆن، هەڵبژاردنەکان پێویستى بە چەندین لایەنى تەکنیکیە، ئەو ماوەشى لەنێوان بڕیارى دادگا و کاتى بەڕێوەچوونى هەڵبژاردنەکان کاتێکى زۆر کەمە، کۆمسیۆن ناتوانێت رێکارەکانى بۆ هەڵبژاردن لە کاتى دیاریکراو تێدا تەواو بکات.

پێشتر سەرۆک نێچیرڤان بارزانى، سەرۆکى هەرێمى کوردستان رۆژى (25)ى شوباتى ئەمساڵى بۆ بەڕێوەچوونى خولى شەشەمى پەرلەمان دیارى کردبووە.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین